|
Philippines, 12 Jan 2026 |
Home >> News |  |
|
||||
|
|
|
|
Alamat ni Manny (Ika-Apat na Bahagi): Pangatlong titulo, nakamit ni Paquiao laban kay Barrera By Eddie Alinea PhilBoxing.com Wed, 03 Feb 2021  Nobyembre 15, taong 2003 ang unang hudyat na nagtukoy sa kadakilaang ipapamamana ni Manny Pacquiao sa larangan nng boksing at sa palakasan, sa kabuuan. Noong petsang iyon, hinarap ni Pacquiao ang Mehikanong si Marco Antonio Barrera sa nakatakdang 12 round na sagupaang ginanap sa Alamodrome sa San Antonio, Texas kung saan nakamit ng idolong Pilipino ang pangatlo sa walong dibisyong paghaharian niya na siya lamang ang nakagagawa sa kasaysayan ng boksing. Ang kampyonatong lineal sa timbang na featherweight ang pinaglabanan ni Manny at Barrera, itinuring noon at maging hanggang sa kasalukuyang panahon ang pinakamagaling na tumuntong sa trono ng 126 librang dibisyon. At ipinamalas ito ng Mahikano, na llamado, 4-1 sa logro ng mga mamumusta, nang pabagsakin niya ang ipinagkakapuri ng Pilipinas sa unang round pa lamang ng pagtutuos. Subalit gaya ng dalawang naunang nakasagupa ng ating bayani para sa unang dalawang dibisyong titulo – ang Thai na si Chatchai Sasakul sa flywewight at ng Aprikanong si Lehlo Ledwaba na kapuwa hindi natapos ang takdang 12 round. Di rin tumagal ang ipinagmamalaki ng Mehiko. Nabawi ni Manny ang 1st round knockdown nang patumbahin niya ang kalaban sa third. Natapos ang 4th namaga ang dalawang mata ni Barrera. Isa pang knockdon sa 11th na nagtulak sa corner ng Mehikano na ihagis ang tuwalya bilang hudyat na di na kaya ng kanilang bata na magpatuloy pa sa laban apat na segundo pa lamang ang nakalipas sa round. Iyon ang kaauna-unahang pagkakataong lumaban si Pacquiao bilang featherweight. Pagbalik sa Pilipinas noong Nobiyebbre 24 nang nasabing taon, ginawaran si Manny ni Pangulong Gloria Macapagal-Arroyo ng Presidential Medal of Merit sa Ceremonial Hall ng Malakanyang. Nang sumunod na araw, pinarangalan siya ng Mababang Kapulungan ng Kongreso ng Congressional Medal of Achievement sa base ng Resolusyon Blg. 765 na kinatha ng noon ay House Speaker Jose de Venecia at Cong. Juan Miguel Zubiri ng Bukidnon kung saan sa bayan ng Kibawe siya isinilang. Si Barrera ay kabilang sa mga elitistang grupo ng mandirigma sa daigdig matapos niyang talunin ang mga nakaharap niya bago ang laban kay Pacquuiao at para makuha ang lineage. Sa kanyang pahayag sa panayam sa reporter na ito sa overseas phone matapos ang laban, sinabi ni Manny: “Si Barrera ay itinuturing na isa sa mga, o marahil ay pinaka-pangunahing pound-for-pound fighter daigdig. Nang ako ay naglalakad patungong ring, mga boo at kantyaw ang sumalubong sa akin mula sa fans.” “I think I only had one fan – ang trainer kong si Freddie Roach," pabiro niyang nabigkas. "Bago lamang ako dito. As for the fight, I was in total control. Every round I felt like the first round because my conditioning was so good. I never got tired.“ “Nang nasa ibabaw na ako ng ring, sa halip na boo, wala akong narinig,” pagtatapat niya. “The Barrera fans were so surprised that I won and by the way I won.“ (May Karugtong) Click here to translate this article to other languages via Google. Click here to view a list of other articles written by Eddie Alinea.  |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2026 philboxing.com. |
