|
Philippines, 19 May 2024 |
Home >> News |  |
|
||||
|
|
|
|
Handa Ako Sa Tatlong Aspeto By Manny Pacquiao PhilBoxing.com Sun, 07 Oct 2007  LAS VEGAS -- Sa oras na binabasa ninyo itong kolum ko, ako po ay kasalukuyang naghahanda na para sa laban namin ni Marco Antonio Barrera dito sa Las Vegas. Sabado ng gabi ngayon dito sa America. Sa ganap na ika-8 ng gabi (alas-11 ng umaga ng Linggo diyan sa Pilipinas), magkakaharap ulit kami ni Barrera sa pangalawang pagkakataon. Kung binabasa ninyo ito sa hapon, siguro, alam na ninyo ang resulta ng aming laban. Ginawa na po namin, kasama ng aking katunggali, ang lahat ng bagay upang paghahandaan ang isa't isa upang mabigyan namin kayo ng isang magandang laban na hindi ninyo makakalimutan sa marami pang taong daraan. Sabi nga nila, "may the better man win." Ipinaubaya ko na sa Panginoon ang lahat at sa larangan ng palakasan, ang isa sa mga pinakamahahalagang bagay ay ang pagiging 100% handa sa anumang mangyayari. Manalo man o matalo, ang importante ay ibinigay mo ang lahat ng iyong kakayahan, at wala ka dapat na ibibigay na dahilan sa kabiguan. Siyempre, maraming mga bagay ang nagdudulot ng ikakasawi o ikakapanalo sa isang sagupaan. Sa laban na ito, ako po ay naghanda ng todo, hindi lang sa pisikal at emosyonal na aspeto ng training. Marami ang hindi nakakaalam na sa larangan ng palakasan, ang mas mahalaga ay ang iyong paghahanda sa mental at ispiritwal na bahagi. Sa pinagdaanan kong maraming taon sa pagboboksing, bukod pa sa iyong paghahanda sa pangangatawan. Kung hindi ka nakapaghanda sa tatlong aspetong ito, hindi ka pa lubos na handa sa pagharap sa laban, kasama na rin sa iyong pagharap sa pang-araw-araw na mga pagsubok sa buhay. Marahil isa sa mga pinakamahirap na sport ang boxing. Kahapon lamang, sinikap kong abutin at pagkasyahin sa aking pangangatawan ang 130 pounds. Ito ang isa sa mga pinakamahirap na araw sa buong training, ang pagpipiga sa sarili upang maabot ang tamang pinagkasunduang timbang. Marami nang mga boksingero ang natalo at nawalan ng korona sa laban hindi pa man sila umaakyat ng ring dahil hindi nila nakayanan ang pagpipiga o pag-reduce ng timbang. Ako rin, noong bata pa ako (1999), dinanas ko ang hirap at kapaitan ng pagkatalo dahil hindi ko nakuha angtimbang na 112lbs. sa laban ko kay Medgoen Singsurat. Iyon na ang pinakahuli kong laban bilang isang flyweight at umakyat ako ng dalawang weight levels sa super-bantamweight division (122 pounds) at doon ulit ako bumangon upang tanghaling kampeon ng mundo. Mga kababayan ko, mahalaga sa akin ang inyong pananalig at dalangin sa Diyos na sana mag tagumpay tayo sa laban kong ito. para po sa karangalan ng ating bayan hanggang sa muling kumbinasyon mabuhay! This article is also available at Abante Online. Click here to view a list of other articles written by Manny Pacquiao.  |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
