|
Philippines, 15 Dec 2025 |
Home >> News |  |
|
||||
|
|
|
|
"KUMBINASYON" By Manny Pacquiao PhilBoxing.com Thu, 30 Aug 2007 Kumusta na mga kababayan ko? Siguro’y maraming nagtatanong kung ano na ang kalagayan ko at pakiramdam ko matapos akong matalo sa election, ‘wag po kayong mag-alala sa ‘kin, dahil tanggap ko naman at charge-to-experience ‘ika nga ng marami. At eto ako ngayon, nagkukunsentret sa pag-iinsayo para sa karangalan ng ating bansa. Ang masasabi ko lang siguro sa lahat ng mga atleta, hindi lamang sa larangan ng boxing kundi ang tinutukoy ko ay para sa lahat ng mga manlalaro, ‘wag silang umasa sa tulong ng iba, bagkus ay umasa sila sa sarili nilang kakayahan at lagi nilang isipin na ang bawat pangarap ay maaaring makamtan, kung ikaw ay handa sa tatlong aspeto na ito, pisikal, mental at higit sa lahat ay ang SPIRITUAL. Sapagkat ako’y naniniwala dahil na rin sa aking karanasan at tagumpay na tinamo na tanging Siya lamang ang may bigay at ito’y dapat na pahalagahan ng bawat atleta o sinumang tao. At ang bawat isa kung may takot o pag-aalinlangan sa sarili ay maaaring hindi magtagumpay sa kanyang mga hangarin o pangarap. Dapat laging isipin ng bawat atleta, na malaki ang tungkulin hindi lamang sa sarili, kundi pati na rin sa bayan at sa kapwa-tao. Madalas na nangyayari sa bawat atletang natatalo ay ang lagi nating naririnig na ang sinisisi kung hindi ang kanilang mga manager ay ang gobyerno. Ang hindi nila alam ay may pagkukulang sila sa sarili nila gaya ng tatlong aspeto na nabanggit ko kaya hindi sila nagtagumpay. Kung talagang iisipin at isasapuso ng isang atleta kung ano ang kahulugan at halaga ng salitang pangarap ay napakalaki ng iyong tungkulin na dapat gampanan, hindi lamang sa sarili kundi sa mata ng Diyos at sa mata ng tao. Marami na ring mga atletang nagtagumpay na dapat nating tularan at gawing isang halimbawa sa ating mga pangarap, hindi lamang dito sa Pilipinas kundi sa buong mundo. At may isa akong natutunan, na kahit anong layo ang ating marating ay ‘wag tayong makalimot lumingon sa ating pinanggalingan. Hanggang sa muli. 
Manny Pacquiao. Filipino boxing superstar Manny Pacquiao has started writing boxing articles, which he intends to contribute to Abante. This is his maiden story which will come out tomorrow in Abante. Click here to view a list of other articles written by Manny Pacquiao.  |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2025 philboxing.com. |
