|
Philippines, 26 Apr 2026 |
Home >> News |  |
|
||||
|
|
|
|
Ako, Si Manny Pacquiao By Manny Pacquiao PhilBoxing.com Fri, 03 Apr 2015  Nakakatuwa at nakakalungkot ang reaksyon ng mga nagbabasa sa bagong pahina na ito na ang layunin ay maipa-abot sa aking mga taga-subaybay ang aking mga panananaw sa mahahalagang isyu na kinakaharap ng ating bansa. Nakakatuwa dahil isang araw lamang pagkatapos maipalabas ang MannyoftheMasses sa Facebook ay umabot na kaagad sa humigit kumulang 150,000 ang nagbasa sa pahina. Nakakalungkot din dahil may ibang mga tao na sa halip na matuwa na kahit papaano ay naglaan ako ng panahon para maiparating ang aking mga nasa isip ay nagawa pang kutyain ako at hamakin dahil wala daw akong kakayahan na sumulat ng Ingles. Dinanas ko na po ang mas matinding panglalait at paghamak noong akoy bata pa at nakikibaka upang magkaroon ng isang magandang kinabukasan. Subali't wala naman po sigurong dahilan para kutyain ako at hamakin dahil wala naman po akong ginawang kasalanan sa bayan at sa mga Pilipino. Meron din pong nagsabi na ang pakikipaglaban ko sa boksing ay para lamang sa pera at hindi para sa bayan. Totoo po kumikita po ako tuwing lumalaban ako subali't ang perang kinikita ko ay pinaghirapan ko at pinagpatuluan ng pawis at dugo. Masama po ba na ialay ko sa aking mga kababayan ang aking mga tagumpay? Aaminin ko po. Hindi po ako ang personal na nagsusulat ng mga artikulo sa pahina na ito dahil hindi ko linya ang pagsusulat. Meron po akong tagasulat o ghost writer. Masama po ba iyon? Di po ba maski Presidente ng America at ng Pilipinas ay mayroon ding ghost writer? Pero maski hindi po ako ang personal na sumusulat, ang lahat po ng nakapaloob sa mga artikulo na lumalabas dito ay galing po sa aking puso at isipan. Kung meron man po akong pagkukulang bilang tagapagsilbi ng bayan ay humihingi po ako ng paumanhin. Salamat po sa mga nagmamahal at nakakaunawa. (Follow MannyoftheMasses on Facebook) Click here to view a list of other articles written by Manny Pacquiao.  |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2026 philboxing.com. |
