Philippines, 03 Oct 2025
  Home >> News

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        


 
 
News  


SALA SA INIT … SALA SA LAMIG: Maputol na kaya ni Kayla Sanchez ang 90 taong pagkauhaw ng bansa sa Olympic medal sa swimming?


PhilBoxing.com



Kayla Sanchez.
Kung nalalaman sana noon ni Filipino-American diver Victoria Manalo Draves na posible niyang katawanin ang Pilipinas noong 1948 Olympic Games na ginanap sa London, England Hulyo 29-Agosto 14, noon pa lamang sana’y nakamit na ng bansa ang kauna-unahang gintong medalya nito sa tuwing ika-apat na taong palaro na tinawag ding “The Greatest Sports Show On Earth.”

Si Vicki, anak ng isang chef at musician na si Teofilo Manalo at British maid Gertrude Taylor, bago naging miyembro ng Olympic US swimming team ay katakot-takot na hirap ang pinagdaanan dala ng noon ay umiiral na diskriminasyon sa Amerikka laban sa mga dayuhang ang kulay ng balat ay hindi kasimbusilak ng mga katutubong Amerikano.

Pero dahil nga sa kanyang kahusayang sumisid ay nakuha nga siyang Olympian at nakapag-uwi ng dalawang gold medal, tig-isa sa platform at springboard diving events sa palarong tumapos sa 12-taong hindi pagdaraos nito mula noong 1936 Games sa Berlin dala ng World War II.

Ang Fil-Am ang siya ring tinanghal na kauna-unahang Amerikanong maninisid na babae na nagwagi ng kambal na gintong medalya sa kasaaysayan ng Olympics. At kauna-unahan ding Asyano-Amerikanong nakagawa nito.

Ang kabayanihan sanang ito ni Manalo-Draves ang nagsilbing hudyat ng kapangyarihan ng mga kababaihang Pilipino sa larangan ng palakasan na kamakailan lamang ay ipinakita ni weigtlifter Hidilyn Diaz ang kauna-unahang Pilipina na nakapag-uwi ng isang gintong medalya at isang pilak buhat sa Olympics.

At ni equestrienne Mikee Cojuangco-Jaworski, kauna-unahang Pilipina na nahalal bilang miyembro ng makapangyarihang Execuitive Board ng International Olympic Committee.

At nina golfers Yuka Saso at Bianca Pagdanganan at skateboarder Margie Didal na gaya ni Diaz ay kinompleto ang apat na kababaihang tanging nagsipag-uwi ng gintong medalya mula 2018 Asian Games na idinaos sa Jakarta.

May ilan pang mga Fil-Am na manlalangoy ang sana’y nagsipag-dala ng pangalan ng bansa at ng lahing Pilipino sa Olimpiyada. Kahuli-hulihan sa kanila ay si Natalie Coughlin ng 2004 Athens Games fame na humakot ng limang medalya – 2 ginto, 2 pilak at 1 tanso.

Inulit ng batambata at talentadong manlalangoy na si Coughlin na tubong Vallejo sa Northern California, ang kanyang kabayanihan apat na taon ang nakalipas sa Beijing kung saan siya ay opisyal na pinarangalan bilang “Swimmer of the Year” dala ng 12 niyang tagumpay sa US NCAA swimming meets.

Samantalang si Vicki Manalo Draves ay hindi man lamang naisipang imbitahin ng noon ay naghaharing Philippine Amateur Simming Association (PASA) na dalhin ang pangalan ng bansa sa mga sumunod pang kompetisyong nilahukan niya matapos ang London Games, sinubok asosasyong makuha si Coughlin na katawanin ang Pilipinas sa lahat ng kompetisyong lalahukan nito.

Na hindi naman nangyari.

May ilang linggo pa lamang ang nakararaan, isa na namang dayuhan atletang may dugong Pinoy na nananalaytay sa kanyang mga ugat – ang dalawang beses na Canadian Olympian na si Kayla Sanchez ang boluntaryong nagpahayag ng kanyang pagnanais na madala ang bandilang Pilipino sa lahat ng kompetisyong maari niyang kanyang salihan sa hinaharap.

Ito ay matapos siyang makakuha ng permiso mula sa Swimming Canada na magpapalaya sa kanya na dalhin ang anumang bansang napili niya sa mga nalalapit na kompetisyon, kabilang ang 2024 XXXIII Games of the Olympics na gaganapin sa Paris kung saan ang Pilipinas ay nagsimulang lumahok sa pinakamalaki at pinaka-prestihiyosong palaro sa pagitan ng mga magagaling na atleta sa buong mundo.

Si Sanchez, miyembro ng Canadian Senior National Team simula 2017, ay ipinanganak sa Singapore ng kanyang mga magulang na kapuwa Pilipino. Ang kanyang malapit na koneksiyon sa kasaysayan ng kanyang pamilya, ayon sa kanya ang nagbunsod sa kanya na maglaro dalaa ang poangalan ng Pilipinas at ng Lahing Kaayumanggi.

“I’ve always been really proud of my Filipino heritage,” wika ni Sanchez, ayon sa kanyang pahayag na ibinigay sa sa Swimming Canada.

“Aside from how much I’ve grown and how good everything has been in Canada, I needed to make this really difficult decision for myself and my family to take this opportunity to represent the Philippines,” dugtong niya.

“I want to help inspire people that are like me to swim and get into the sport,” anang 21 anyos na idinagdag pa ang “possibility of changing nationalities,” na pinagbigyan ng Swimming Canada para siya palayain mula sa huling araw ng World Championships na ginanap Hunyo 25.

At di tulad ng mga kaso nina Manalo at Coughlin, buong pusong tatanggapin ito ng PASA lalo’t wala pang ni isang manlalangoy na Pilipino ang nakapag-uwi ng kahit anong kulay medalya mula pa noong si Teofilo Yldofonso ay handugan ang bansa ng dalawang sunod na bronze medal kapuwa sa 200 meter breaststroke noong 1928 sa Amsterdam at 1932 sa Los Angeles.

Taong 1982 huling nakapagdala ang Pilipinas ng Asian Games medal medalya sa kagandahang loob ni Billy Wilson -- gold sa 200 freestyle, silver sa 400 freestyle at bronze sa 1500 freestyle.

Si Sanchez ay lumaki sa Scarborough, Ontario at siya ay naging miyembro ng Swimming Canada High Performance Centre makaraan ang 2016 Olympic Games in Rio. Nakapag-uwi siya ng silver medal mula sa Junior Pan Pacific Championships noong tag-init na iyon.

Kinatawan niya ang Canada ng tatlong beses sa LC World Championships. Nakapag-uwi siya ng dalawang Olympic medal sa relay mula 2020 Tokyo Games at anim sa Worlds.

“I am so thankful and appreciative of Canada. I wouldn’t be the athlete I am today without the support and how much I grew and learned,” ani Sanchez.

“It’s just a point in my life where it’s time for a change. I am stepping into a new point in my swim career where I can start to focus on myself and at the same time I’m hoping to help people in the Philippines.”

Ayon sa FINA Rules, si Sanchez ay hindi makalalangoy dala ang Pilipinas isang taon makaraang siya’y pakawalann ng Swimming Canada (Hunyo 25). Makakalahok siya sa 2023 World Championships sa Fukuoka, Japan, Hulyo 14-30 ng nasabing taon.


Click here to view a list of other articles written by Eddie Alinea.


Recent PhilBoxing.com In-House articles:

  • Allan Villanueva vs. Jyl Wright Headlines Peter Maniatis Event in Melbourne Oct. 3
    , Thu, 02 Oct 2025
  • BUSTAMANTE AND JONES NAMED CAPTAINS FOR REYES CUP 2025
    , Thu, 02 Oct 2025
  • Mike Tyson Joins BoltBetz as Strategic Investor and Promotional Partner to Usher in a New Era of Cashless Gaming
    , Thu, 02 Oct 2025
  • BOXING LEGEND MANNY PACQUIAO LAUNCHES “MANNY PACQUIAO PROMOTIONS” IN THE UNITED STATES
    , Thu, 02 Oct 2025
  • BOOTS HUNTING THE BIG FISH AT 154LBS
    , Thu, 02 Oct 2025
  • IBA Unveils Historic 2025 IBA Men’s Elite World Championships as Part of a Spectacular Two-Week ‘Festival of Boxing’ in Dubai with Unprecedented $8 Million Prize Pool
    , Thu, 02 Oct 2025
  • Final Bell for 2025 USA Boxing National Open Event National Open Event Concludes with 1,870 Registered Participants in Tulsa, Oklahoma
    , Thu, 02 Oct 2025
  • THRILLA IN MANILA GOLDEN ANNIVERSARY 15: JOE FRAZIER’S PROFESSIONAL CAREER
    By Maloney L. Samaco, , Thu, 02 Oct 2025
  • World Boxing relocates Congress 2025 to Rome
    , Thu, 02 Oct 2025
  • Round 12 with Mauricio Sulaiman: Behind the WBC Boxing Grand Prix
    By Mauricio Sulaimán, , Wed, 01 Oct 2025
  • JOHANN CHUA BEGINS TITLE DEFENCE AGAINST IVICA PUTNIK AS DRAW CONFIRMED FOR 2025 HANOI OPEN POOL CHAMPIONSHIP
    , Wed, 01 Oct 2025
  • CUBAN FUTURE CHAMPIONS YOENLI HERNANDEZ, ARMANDO MARTINEZ RABI & GUSTAVO TRUJILLO HEADLINE ‘FISTS OF FURY 8’
    , Wed, 01 Oct 2025
  • USA Boxing Finishes Canada Duel Undefeated
    , Wed, 01 Oct 2025
  • Dana White Seeks to Make Significant Changes in the World Boxing
    By Gabriel F. Cordero, , Wed, 01 Oct 2025
  • THE PAST WEEK IN ACTION 29 September 2025: Ferreira Retains IBF 135 Belt by Outpointing Moneo; Clavel Dethrones IBF 105 Champ Cudos
    By Eric Armit, , Tue, 30 Sep 2025
  • Canelo Alvarez Facing Extended Layoff After Crawford Loss; Surgery Confirms Injury Rumors
    By Dong Secuya, , Tue, 30 Sep 2025
  • Dante Stone is last American standing in Inaugural WBC Grand Prix
    , Tue, 30 Sep 2025
  • Age Defying Triumph: At Age 50 Toshihiko Era Wins World Title
    By Carlos Costa, , Tue, 30 Sep 2025
  • TKO and Zuffa Boxing sign streaming agreement with Paramount
    By Gabriel F. Cordero, , Tue, 30 Sep 2025
  • Boxing Ephemera, Pacquiao’s Mouthguard, and the Meaning of It All
    By Emmanuel Rivera, RRT, , Tue, 30 Sep 2025
  • A turning point for global sport: IBA President Umar Kremlev and Donald Trump Jr join forces
    , Mon, 29 Sep 2025
  • Rosia captures PBF super fly title
    , Mon, 29 Sep 2025
  • Tancontians starred 2025 Sports Heroes Night
    , Mon, 29 Sep 2025
  • “Thrilla” guest list
    By Joaquin Henson, , Sun, 28 Sep 2025
  • Why Do So Many Boxers Play eGames?
    , Sun, 28 Sep 2025




  •  



     
    PhilBoxing.com has been created to support every aspiring
    Filipino boxer and the Philippine boxing scene in general.
    Please send comments to feedback@philboxing.com


    PRIVATE POLICY | LEGAL DISCLAIMER
    developed and maintained by dong secuya
    © 2025 philboxing.com.