|
Philippines, 27 Dec 2024 |
Home >> News >> Columns >> Manny Pacquiao |  |
|
||||
|
|
|
|
ILANG SAGLIT NA LANG PhilBoxing.com Thu, 30 Apr 2009  LAS VEGAS--Sa araw ng Martes, mga apat na araw na lang ang nalalabi, handang-handa na ako upang makipagsabayan sa lakas at dunong ng tinaguriang kampeon ng 140 pounds division na si Ricky Hatton ng England. Ilang araw na lang at bakbakan na! Ako ay excited at handang-handa na upang sumabak sa away sa bagong timbang na super-lightweight. Sa MGM Grand Garden Arena magbabakbakan kami ni Hatton, sa Las Vegas , Nevada , kapwa sabik na subukan ang kakayahan ng bawat isa. Sa dalawang buwan ng pagsasanay, masasabi kong handang-handa na ako at mga maliliit na bagay na lang ang aming inaayos sa training camp sa pangunguna ni coach Freddie Roach at ni Buboy Fernandez, kasama ang bagong trainer na si Michael Moorer, ang dating heavyweight champion ng mundo. Napag-aralan na namin ang style ni Hatton, na palaging sumusugod at hindi rin marunong umatras sa matinding labanan. Alam na namin ang mga bagay na kanyang pwedeng dalhin sa laban at inaasahan na lang namin na magbabago siya ng kaunti dahil sa adjustments ng kanyang trainer na si Floyd Joy Mayweather. Maayos ang pagsasanay para sa laban at naihanda ko na ang aking katawan para sa mga balakin ni Hatton. Naihanda na rin namin ang aming game plan na sa tingin namin ay pasok sa estilo ni Hatton. Sa ngayon ay nagpapabawas na ako ng timbang, apat na araw bago ang laban at sa 140 pounds, hindi ako masyadong mahihirapan dahil kaunting timbang lang ang aking babawasin. Huling lumaban ako sa timbang na 147, sa kauna-unahang pagkakataon. Sa tingin ko ay komportable ako at hindi naman ako lubusang mahihirapan. Si Hatton at ang kanyang trainer ay nagsabi ng maraming mga bagay tungkol sa kanilang plano sa laban pero para sa akin, handa ako na harapin kung anuman ang kanilang dadalhin sa itaas ng ring. Alam ko rin na medyo magulang maglaro si Hatton sa kaniyang mga dating laban gaya ng paghahawak at pagyakap sa kalaban. Hindi namin ito palalampasin. Naririto na sa Las Vegas ang halos lahat ng aking mga pamilya at kaibigan at inspirado na akong lumaban. Kasama diyan ang aking asawang si Jinkee at ang aking ina na si Mommy Dionesia, na sa unang pagkakataon ay naririto sa US . Ngunit hindi siya manonood na live pero malaking tulong pa rin siya sa akin. Ako po ay tuluyan pa ring nagsasanay sa laban at hindi ako titigil hanggang mapapasa-atin ang korona ng 140-pounds division. Hindi ko po ito magagawang mag-isa at sana tulungan ninyo ako na manalangin sa Poong Maykapal upang sa huli ay tayong lahat ang tatanghaling mga kampeonnng mundo. Hanggang sa Muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
