|
Philippines, 27 Dec 2024 |
Home >> News >> Columns >> Manny Pacquiao |  |
|
||||
|
|
|
|
Responsibilidad Ko sa Boksing PhilBoxing.com Sun, 19 Apr 2009  LOS ANGELES -- Kumusta na po kayong lahat, mga ginigiliw kong mambabasa at tagasubaybay ng kolum na ito. Sana ay nasa mabuti kayong kalagayan saan mang panig ng mundo kayo naroroon. Dalawang Sabado na lang at araw na ng laban namin ni Ricky Hatton sa MGM Grand Garden Arena sa Las Vegas. Excited na ako at puspusan pa rin ang aking paghahanda para sa laban. Dahil sa alam kong naghahanda rin ng lubusan si Ricky, kaya naman talagang ibinubuhos ko lahat ang aking makakaya sa training upang maging handa sa anumang pagsubok na maaaring ibato ni Hatton. Simula nitong linggong ito, papababa na ang bilang ng rounds ng sparring namin mula sa pinakamataas na 12 rounds nitong nagdaang mga araw. Masasabi kong naroroon na ang hangin sa aking katawan na siyang magdadala sa atin sa anumang tema ng laban. Dahil sa inyong lahat, tinitiis ko ang lahat ng hirap, pagod at sakit upang mabigyan ko kayo ng isang magandang gabi ng boksing sa isa pang pagkakataon. Nitong linggo, nagretiro na si Oscar Dela Hoya, ang tinuturing na pinakahaligi ng boksing nitong mga nagdaang taon dahil na rin sa kanyang paniniwala na hindi na niya magagampanan na lumaro sa pinakamataas na antas ng boksing. Saludo pa rin ako sa iyo, Ginoong Dela Hoya and you are still my idol. Pero maraming mga manunulat sa buong mundo na nagsabi na dahil sa pagreretiro ni Dela Hoya, ako na raw ang dapat na tumayong pangunahing simbulo ng boksing, dahil ako ang No. 1 pound-for-pound boxer sa mundo at tinalo ko ang No. 1 boxer sa box-office. Hindi ko po kinakailangang sundan ang anumang landas na tinahak ni Oscar nang makamit niya ang mga karangalan na kanyang natamo. Hindi po ako ang bagong Oscar. Ako po, si Manny Pacquiao, ay mananatili at hindi magbabago mula doon sa dating boksingerong nakilala ninyo noon -- walang takot, hindi aatras sa laban at kapana-panabik sa ibabaw ng ring. I have been known to be the most exciting fighter before I became the No. 1 pound for pound boxer in the world. Ako pa rin po siguro ang magiging pinaka-exciting na boxer sa mundo at lalo kong pagbubutihin ang pakikipaglaban at pagsasanay upang lalong mabuhay ang sport na pinakamamahal ko. Ang boxing ay isang uri ng sining at entertainment at dahil na rin dito, kinakailangan kong maging halos perpekto sa pagiging "performer" sa ibabaw ng lona na aking entablado. Iyan po ang mabibigay ko sa sport na ito. Sana, tuluyan ninyo pa ring suportahan at sama-sama tayong manalangin sa ikabubuti ng boxing at para sa lahat ng boksingero. Hanggang sa muling Kumbinasyon. God Bless Us All. Top photo: Pacquiao doing the speed ball routine during Friday's training at the Wildcard Gym in Los Angeles. Photo by Dong Secuya. * * * This article is also available at Abante Online. Send your comments to Manny Pacquiao at href="mailto:mannypacquiao@abante-tonite.com">mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
