|
Philippines, 23 Nov 2024 |
Home >> News >> Columns >> Manny Pacquiao |  |
|
||||
|
|
|
|
CROSS TRAINING PhilBoxing.com Thu, 28 Aug 2008  GENERAL SANTOS CITY?Kumusta po ulit, mga ginigiliw kong tagasubaybay ng kolum na ito. Sana ay nasa mabuti kayong kalagayan saan mang panig ng mundo kayo naroroon. Habang naghihintay po ang lahat para sa susunod na mangyayari sa career ng inyong abang lingkod patungkol sa kung matutuloy ba ang pinaplanong laban namin ni Ginoong Oscar Dela Hoya o kung ibang boxer ang aking makakaharap sa katapusan ng taon na ito, ako naman po ay hindi nag-aaksaya ng panahon at abala rin sa paghahanda sa anumang mangyari. Huwag po kayong mabahala, huwag kayong mainip. Ginagawa po namin lahat ng aming magagawa upang maayos ang lahat ng nararapat na desisyon para sa career at future. Mas maganda kung nag-iingat lang at hindi padalus-dalos sa paggawa ng mga desisyon dahil isang pagkakamali ay pagmumulan ng hindi wasto. Alam ko na ang Diyos ay may plano para sa lahat kaya naman, ipinauubaya ko sa Kanya lahat. Pero bago ako magsimula sa pagte-training, ako naman ay nag-eenjoy sa mga bagay na aking kinagigiliwang gawin. Bukod sa hinahasa ko ang aking katawan sa paglalaro ng apat na uri ng sports na walang koneksiyon sa boxing, kasama rin ang pagsasanay sa aking pag-iisip sa pagpapatuloy ng aking pag-aaral kahit sa loob ng aking bahay ito ginagawa. Siyempre, kasama ko ang aking pamilya kaya lalong enjoy. Noong isang linggo, kami po ay pumunta sa Davao upang lumaro at lumahok sa paligsahan ng basketball at sa isang darts tournament. Sa bisperas ng Kadayawan Festival na ginaganap taun-taon sa siyudad ng Davao, sumali ang aking koponan sa mga palaro. Kinagigiliwan ko ang paglalaro ng basketball kasama ang aking koponan na aking sinusuportahan sa mga liga sa Visayas at Mindanao. Kahit na hindi buo ang team, sumali kami sa liga ni Mayor Rodrigo Duterte at Vice Mayor Sara Duterte. Kaming magkapatid na boxer, si Bobby, ay kasali at nag-enjoy kami na makita ang aming fans. Bukod sa maganda ang laro dahil nae-exercise ang baga at paa, masaya ako na nabibigyan-aliw ang aking mga kapwa. Sumunod naman ang paglahok ko sa isang darts tournament at masasabi kong marami akong natututunan sa larong ito, bukod pa sa paghahasa ng mata, isip at katawan, na sabay-sabay kumikilos sa bawat pagbato ng dart pin. Ngayon, mas lalo kong nauunawaan ang kahulugan ng kapangyarihan ng pag-iisip na dumudugtong sa katawan natin. Kapag talagang inisip mo na tatama ka sa bull's eye, malaki ang tsansa na masasapul mo ang sentro o kung saan man gusto mong patamain ang dart. Kapag nanggigil ka, lalong hindi ka tatama. Parang boksing po pala ang darts. Pero hindi naman sa pagmamayabang, pumasok po ako sa Top 8, kaya masaya na rin ako. Of course, I also love to play chess during my spare time. Kahit na marami ang nagsasabi na laro ng may isip ang chess, napatunayan ko na hindi ka magwawagi kapag hindi rin malusog ang iyong pangangatawan. Marami ang hindi nakakaalam pero medyo matagal na po ako naglalaro ng golf at ngayong may tsansa ulit, heto, ako po'y nagsasanay at lalo kong kinagigiliwan ang larong ito. Masarap kasi dahil iba naman ang disiplina na itinuturo ng larong ito. Hanggang sa muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
