|
Philippines, 23 Nov 2024 |
Home >> News >> Columns >> Manny Pacquiao |  |
|
||||
|
|
|
|
LARO NG KALIKASAN PhilBoxing.com Sun, 20 Jul 2008  BACOLOD CITY -- Magandang araw po sa inyong lahat saan man kayo naroroon. Sana ay nasa mabuti kayong kalagayan saan mang panig ng mundo. Kung ako po ang tatanungin ninyo, ako ay masaya, malusog at sana ganoon din kayo. Ito pong kolum na ito ay karugtong ng aking salaysay noong Huwebes kung saan kami ay nag-scuba diving ng aking mga kaibigan noong isang linggo sa Davao. Sinusulat ko itong kolum na ito matapos naming magbigay ng mga tulong at saya sa ating mga kababayan na sinalanta ng bagyong Frank sa Iloilo at Bacolod City. Kung iisiping mabuti, magkarugtong ang mga pangyayari nitong nakaraang mga araw dahil na rin sa kalikasan ang nasa gitna ng lahat. Ako po ay masaya na sumisid sa gitna ng karagatan at nakipaglaro sa ganda na dulot ng likas na yaman ng bansa. Sa kabilang dako, matapos ang isang linggo, ako naman ay nagdalamhati at nalungkot sa aking mga nakita, bunga na rin ng hindi magandang dulot ng kalikasan-ang pagbaha at pagkasira ng mga ari-arian at sa pagkamatay ng maraming tao. Lubos po akong nakikiramay sa inyo at alam ko, maraming mga bagay ang hindi na natin maibabalik pa. Sana ay napasaya ko kayong lahat kahit na sa ilang sandali. Ngayon ko lang mas lalong napag-isip na tayong lahat ay mga nilalang ng Diyos at kung gaano kahalaga ang buhay. I was able to think about life, how simple, small and insignificant we are sometimes in this world. Kapag nasa gitna ka ng karagatan, o nasa pusod ka ng dagat, mararamdaman mo kung gaano kalaki ang mundo at kung anong bahagi ka sa gitna ng lahat. Noong malapit na kaming matapos sa dive namin noong linggo, biglang lumakas ang underwater current o iyong agos ng tubig sa ilalim. Iyong mga ibang kasama ko ay napilitang umahon upang hindi sila maanod ng kuryente habang kami ng aking dive master ay sumubok na labanan ang kalikasan. Kung tutuusin, maraming pwedeng mangyaring masama. Pero gayunpaman, ano ang ating magagawa kung ang kalikasan ang gumawa ng isang masamang biro? Gaano tayo kaliit at gaano tayo kahalaga sa mundo? Sa ibabaw o ilalim man ng dagat, tayo ay mga simpleng nilalang lamang. Tubig, lupa, apoy, hangin, kahoy-iyan ang limang bahagi ng kalikasan. Silang lahat ang nagbibigay-buhay sa lahat, at sila rin ang maaaring mortal nating kaaway. Ganyan na rin ang rason kung bakit nangyayari ang mga natural na kalamidad, kung bakit lumulubog ang isang barko na dala ng hangin at tubig. Kung bakit kapag pinutol ang kahoy ay madaling bumaha at kung lalasunin at papatayin ang mga ilog at karagatan, tayo rin ang malilintikan sa huli. Marami sa atin ang nagkikibit-balikat lamang kapag pinag-usapan ang kalikasan at nagsasawalang-bahala. Marami ang hindi nakakaramdam at nakakaunawa na tayong lahat ay bahagi rin ng kalikasan dahil tayong lahat ay dapat na tagapangalaga nito. Ang simpleng pagtapon lamang ng basura sa dagat o sa lansangan ay magdudulot ng malaking pinsala sa atin, gustuhin man natin o hindi. Ang mga bagay na nagdudulot ng pagkasira sa ating ozone layer ay isa pa sa mga dapat nating pagtuunan ng pansin. Opo, marami pa tayong dapat gawin at sana, mag-umpisa na tayo ngayon. Hanggang sa muling Kumbinasyon. God Bless Us All. Top photo: A helicopter (R) hovers over the 'Princess of the Stars' passenger ship with only part of its hull visible above water after it sunk last month. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
