|
Philippines, 24 Nov 2024 |
Home >> News >> Columns >> Manny Pacquiao |  |
|
||||
|
|
|
|
KAKAIBANG MUNDO PhilBoxing.com Thu, 01 May 2008  GENERAL SANTOS CITY -- Magandang araw po sa inyong lahat. Sana ay nasa mabuti kayong kalagayan saan man kayo naroroon sa mundo. I am just about to finish my second semester in college where I am taking Business Management at the Notre Dame of Dadiangas University here in my hometown and before I start training, I would be finishing two more subjects. Kailangan ko na lang pong tapusin ang tatlong subjects para makumpleto ko ang second semester at first year ng kolehiyo. Sa kasalukuyan, tinatapos ko ang Literature at Business Management I subjects. Noong kamakalawa, nasubukan ko ang scuba diving sa Cebu at sobra ko pong nagustuhan ang experience na ito. Bilang tagapag-alaga ng kalikasan, nakita ko ang ganda ng dagat at ang mga corals at mga makukulay na laman-dagat na nasa ilalim. Nakakadismaya na dumarating sa akin ang mga hindi magagandang balita ng dynamite fishing at paggamit ng pesticide upang manghuli ng isda ang ibang mga tao. Malaking pinsala ang nangyayari pala sa araw-araw at iilan lang ang nakakaalam nito. Kasama ko ang mga dive masters na sina Boyla, Lito Ruiz, Gen. Tiboy Fusilero, Caloy Homo at ang aking kapatid na si Rogelio at ang aking secretary na si Bren Evangelio na nag-dive at lahat ay nag-uwi ng mga ala-alang hindi makakalimutan. Ngayon, alam ko na kung bakit marami ang mga taong nagmamalasakit sa kalikasan. Hindi maipaliwanag ang saya at pakiramdam sa ilalim ng dagat. Parang nasa ibang mundo ka, walang polusyon, walang ingay, walang gulo, walang problema. Sobrang ganda sa mundong ito, gusto mong minsan ay hindi na magwakas ang panahon. Naaalala ko rin iyong mga araw noong ako ay bata pa at wala pang kamuwang-muwang sa mundo. Dahil lumaki rin ako sa tabing dagat, natuto ako na sumisid na walang oxygen tank upang manghuli ng isda para ibenta o kainin ng pamilya. Siguro, dahil na rin sa mga experience na gaya ng pag-dive na walang oxygen tank, lalong lumakas ang aking baga at tumibay ang aking pangangatawan. Maligaya ako at kahit na mahigpit ang schedule ko, nagagawa ko ang mga bagay na ito. Sa pagdating ng buwan ng Mayo, uumpisahan ko na ang pag-train para sa laban ko kay David Diaz ng Chicago sa Hunyo 28. Hindi pa po pirmado ang kontrata namin ni Diaz kaya hindi pa rin ako nagsisimulang mag-train ng puspusan sa Wild Card gym. May mga detalye pa na hindi ko nakikita sa kontrata at ang aking kaibigan at lawyer na si Jeng Gacal ay darating pa lang sa Biyernes galing sa America upang ipakita sa akin ang mga nilalaman ng kasunduan. Ayon sa pag-uusap namin ni Jeng noong isang araw, may mga bagay pa akong dapat malaman bago ko pirmahan ang kontrata. Hanggang sa muling Kumbinasyon. God bless us all. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
