|
Philippines, 23 Nov 2024 |
Home >> News >> Columns >> Manny Pacquiao |  |
|
||||
|
|
|
|
TULOY PO ANG LABAN PhilBoxing.com Thu, 20 Sep 2007 Nakailang labas na ako ng kolum, pero mayroon pa ring hindi naniniwala na ako mismo ang nagsusulat. At wala pong nagdidikta sa 'kin, galing po sa aking puso at isip ang aking mga sinusulat. Lagi po akong nagdarasal sa mahal na Panginoon, takot akong magsinungaling, alam ng nasa Itaas na ako talaga ang nag-iisip ng mga isinusulat ko. Kaya sana, wag naman pong pagdudahan na hindi ako ang nagsusulat. Anyway, ako'y nalulungkot sapagkat kamakailan lang ay pumanaw ang aking dating trainer na si Leonardo Pablo o Tatay Ambo. Malaki po ang naitulong ng taong ito sa akin dahil siya po ang nag-alaga sa akin noong ako ay nag-uumpisa pa lang sa pro boxing. Kaya ipagdasal po natin ang kanyang kaluluwa na sa mga oras na ito ay nasa piling na ng Maylikha. Nakikiramay po ako sa pamilyang naulila ni Tatay Ambo. *** Isa pang gusto kong linawin ang lumabas sa mga pahayagan, na ako raw ay hindi matutuloy lumaban sa October 6. 'Yan ay walang katotohanan at ako'y nagulat nung lumabas ang balita, dahil nandito ako sa Cebu, nagku-concentrate sa training at sa fight. 
Si Manny Pacquiao (kanan) at ang marathoner na si Adonis Singson (kaliwa) ay nangunguna sa pagtakbo nang nag-jogging noong Martes sa Alta Vista Golf Course and Subdivision. Nasa likuran sina David Rodela (kaliwa), Raymundo Beltran at Bobby Pacquiao. Masaya po ako sa aking premyo para sa darating na laban at wala pong dahilan para hindi ako lalaban. Tuloy po ang laban. Kaya doon sa mga ibang mga nagsusulat, kailangang alamin mabuti kung totoo ba ang mga balita na kanilang isusulat, dahil hindi biro ang pagiging isang writer o reporter, nagbabasa ang mga tao dahil gusto nilang malaman ang katotohanan, kaya't dapat lang na laging totoo ang mga isinusulat. Tulad na lang ng writer na si Mike Marley, nagsusulat s'ya na hindi naman totoo. Hindi man lang n'ya kinumpirma kung totoo ba 'yung balita na kanyang sinulat. Sana sa susunod, alamin ng mabuti kung ito'y totoo, hindi yung para may maisulat lang ok na, para bigyan ng pansin ng marami hindi tama 'yan, pangit tingnan sa mga tao. *** May isang attorney at isang writer din ang nagbabangayan. Siguro dapat ay tigilan n'yo na 'yan, pangit masyado sa mata ng mga tao na kayo'y nag-aaway. Dapat ay pagmamahal para sa kapwa at sa isa't isa ang gawin ninyo, dahil pareho naman kayong may pinag-aralan. Hanggang sa muli kong "Kumbinasyon." Mabuhay! This article can also be read at Abante Online. Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
