Philippines, 20 Oct 2025
  Home >> News

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        


 
 
News  


SALA SA INIT … SALA SA LAMIG: Bagamat kritikal pa rin, nasa maayos na kalagayan na si Lydia de Vega


PhilBoxing.com



Lydia de Vega.

Noong dekada 80s at 90s, nakaharap ng Pilipino sprinter na si Lydia de Vega ang pinakamahuhusay na mananakbong inilaban sa kanya sa kanyang event at pinanalunan niya ang halos lahat ng mga ito sa landas na tinahak niya para siya’y kilalaning “Pinakamabilis na Babae sa Asya“ at “Reyna ng Sprint” sa dakong iton ng daigdig.

Bumalik na sa Pilipinas si Diay, tawag sa kanya sa mundo ng track field matapos ang 17 taong pagtuturo sa Singapore at sa edad na 57 ay lumalaban pa rin, sa pagkakataong ito, para maligtas sa sakit na cancer at tulad ng dating pakikipag-karera niya, inaasahang mananalo siyang muli.

Nasa stage 4 na ng breast cancer si Diay at kasalukuyang nasa ospital.

“She’s now in stable condition, although still critical, according to her doctors,” ulat ng anak niyang dating manlalaro ng volleyball na si “Paneng” Mercado-de Koenigswarter sa reporter na ito noong Biyernes.

“Anything is possible pa daw, the doctors said so medyo marami pang test at operasyon ang dapat gawin. Hopefully, she makes it,” ani Paneng, dating La Salle volleybelles noong siya’y naglalaro pa at kasal kay David Koenigswarter, isang piloto.

“Hindi po pa rin makausap, kaya hindi pa puwedeng dalawin. That’s why we’re asking all those who want to visit my Mom na sana they understand the present situation. Sorry po to everybody na hindi rin namin masabi kung saang ospital siya naka-confine,” paliwanag ni Paneng.

Kinumpirma ni Philippine Sports Commission Officer-In-Charge, at abogadong si Guillermo Iroy, ang isinalaysay tungkol sa pabuting kalagayan ni Diay sa isang bukod na panayam.

Si Atty. Iroy ay nauna nang tumanggap ng utos mula kay Pangulong Ferdinand “Bongbong” Marcos Jr. na bigyan si Diay ng lahat ng kinakailangang tulong para sa kanyang agarang paggaling.

“Yeah, Diay is now in stable condition, although, yun nga, medyo critical pa rin,” pahayag naman ni Atty, Iroy. “Fighter si Diay and she had repeatedly showed that during her Asia domination of all the competitions of all her events she took part in her reign as the region’s fastest woman in more than two decades.”

Siniguro ng PSC executive director sa anim na taong administrasyon ni Pangulong Duterte na ang kanyang ahensya “will be following to the letter President BBM’s directive to help Diay in her present predicament.”

“Nagpadala na ang PSC ng initial financial assistance to Diay’s family,” pagtatapat niya. “And I’ll be convening the incoming PSC board sometime to ask for more assistance.”

“The IOC’s power on this matter is limited, so I need the board to act on it,” dugtong niya. “Wala naman akong nakikitang problema para di masunod ang instruction ng Presidente.”

“Diay is a legitimate sports heroine at kailangang tulungan sa oras ng kanyang pangangailangan,” pagtitiyak ni Atty. Iroy.

Unang narating ni Diay ang pagkilala sa kanya bilang "Asia’s Fastest Woman” at "Asia’s Sprint Queen” noong taong 1979 nang magsimula niyang yanigin ang mundo ng track and field nang umani siya ng karangalan hindi lamang sa kanyang sarili kundi pati sa Pilipinas sa mga mahahalagang karerang kanyang nilahukan.

Sa kuwenta ng kolumnistang ito, si Diay ay nakalahok sa 95 na karera mula nang siya’y ma-diskubre. Sa kabuuang bilang na ito, 53 ay sa mga pandaigdigang arena kabilang ang dalawang International Amateur Athletic Federation (IAAF) championships.

Nong siya’y parangalan sa SCOOP’s Awards Night kung kailan si Diay ay napabilang sa Hall of Fame ng Sports Communicators Organization of the Philippines, siya ay nakaipon na ng 14 gold medal sa kanyang paboritong 100 meters, walo sa 200 meters, tatlo sa 400 meters at dalawa sa long jump.

Si Diay ay lumaban din sa triple jump, isang disiplinang sinimulan sa kababaihan noong 1990, na ipinanalo din niya sa kauna-unahan niyang paglahok dito sa National Open noong 1993.

Si Diay ay kauna-unahan at kaisa-isa pa lamang na babaeng sprinter na naghari sa dalawang sunod na Asian Games noong 1982 sa New Delhi at 1986 sa Seoul.

Siya pa rin ang nakakumpleto ng pambihirang mangyaring two golden sprint double sa Asian Amateur Athletic Association (4 As) championships nong 1983 sa Singapore at 1987 sa Jakarta, ang lunsod kung saan ay umiskor siya ng triple whammy nang pagharian niya ang 100 meters, 200 meters at long jump noong 14th SEA Games.


Click here to view a list of other articles written by Eddie Alinea.


Recent PhilBoxing.com In-House articles:

  • Fundora vs. Thurman Expected to Land on Manny Pacquiao's January Undercard
    By Dong Secuya, , Mon, 20 Oct 2025
  • Hong Kong’s “Tyson” Ng and Harpreet Singh of India Ready to Rock for WBC Asia Strap
    By Carlos Costa, , Mon, 20 Oct 2025
  • TEAM ASIA CONQUER THE WORLD TO COMPLETE HISTORIC REYES CUP TITLE DEFENCE
    , Mon, 20 Oct 2025
  • Jodiel Chloe Banawa: A 5-Year-Old Chess Prodigy Making Her Mark at the Provincial Meet
    By Marlon Bernardino, , Mon, 20 Oct 2025
  • GM Joey is aiming for a world title shot
    By Marlon Bernardino, , Sun, 19 Oct 2025
  • Patrick Bonifacio rules Directors Chess Cup
    By Marlon Bernardino, , Sun, 19 Oct 2025
  • World Boxing Announces Elite Division World Rankings
    , Sun, 19 Oct 2025
  • BEN WHITTAKER PRESS CONFERENCE: EVERYTHING THAT WAS SAID AS NEW MATCHROOM SIGNING MEETS GAVAZI – PLUS: VUONG vs GWYNNE II
    , Sun, 19 Oct 2025
  • BIADO, YAPP, AND DUONG POWER TEAM ASIA TO THE BRINK OF GLORY
    , Sat, 18 Oct 2025
  • Prado, Catubig dominate DTI Run
    By Lito delos Reyes, , Sat, 18 Oct 2025
  • YORK HALL FIGHT NIGHT RESULTS: GEORGE LIDDARD MAKES HISTORY TO BECOME THE YOUNGEST EVER BRITISH MIDDLEWEIGHT CHAMPION
    , Sat, 18 Oct 2025
  • Usyk in Bare Knuckle event?
    By Gabriel F. Cordero, , Sat, 18 Oct 2025
  • IIEE Singapore tops National Chess Olympiad, Quezon City Simba's Tribe wins 2 matches in PCAP
    By Marlon Bernardino, , Sat, 18 Oct 2025
  • Liddard Destroys Conway to Claim British Middleweight Title, Becomes Youngest-Ever Champion
    By Dong Secuya, , Sat, 18 Oct 2025
  • Keiron Conway vs George Liddard: Unbeaten Prospect Faces Stiff Challenge
    By Chris Carlson, , Sat, 18 Oct 2025
  • Alicaba to fight for WBC Asian Continental super fly
    By Lito delos Reyes, , Sat, 18 Oct 2025
  • DAY TWO: STARBOY MANAS STEALS THE SHOW AS TEAM ASIA EXTENDS PERFECT RUN
    , Sat, 18 Oct 2025
  • MANNY PACQUIAO PROMOTIONS INTRODUCES CHIEF FINANCIAL OFFICER AND VICE PRESIDENT TONY COHEN
    , Sat, 18 Oct 2025
  • Joseph Subia Signs with Wise Owl Boxing
    , Sat, 18 Oct 2025
  • Sirimongkhol, Midgley Make Weight for WBF World Title in Thailand
    By Carlos Costa, , Fri, 17 Oct 2025
  • ICTSI South Pacific on Oct. 28-31
    By Lito delos Reyes, , Fri, 17 Oct 2025
  • PIONEERING FILIPINO BOXERS TAKE THE SPOTLIGHT ON FIL-AM HISTORY MONTH (PART II)
    By Dong Secuya, , Fri, 17 Oct 2025
  • California Commission Backs Dana White’s ‘American Boxing Revival’ and Expanded Muhammad Ali Act
    By Gabriel F. Cordero, , Fri, 17 Oct 2025
  • MANNY PACQUIAO PROMOTIONS PRESENTS “COUNTDOWN TO THRILLA IN MANILA” AND “THRILLA IN MANILA 50”
    , Fri, 17 Oct 2025
  • Rafael Espinoza-Arnold Khegai Featherweight World Title Showdown Set for Nov. 15 in San Luis Potosí, Mexico
    , Fri, 17 Oct 2025




  •  



     
    PhilBoxing.com has been created to support every aspiring
    Filipino boxer and the Philippine boxing scene in general.
    Please send comments to feedback@philboxing.com


    PRIVATE POLICY | LEGAL DISCLAIMER
    developed and maintained by dong secuya
    © 2025 philboxing.com.