|
Philippines, 07 May 2026 |
Home >> News |  |
|
||||
|
|
|
|
Alamat Ni Manny Pacquiao (Ika-16 Bahagi): Wagi si Manny, 2-1, sa trilohiya niya vs Erik Morales By Eddie Alinea PhilBoxing.com Mon, 29 Mar 2021  Naganap ang makasaysayang tatlong labang serye sa pagitan ni ring idol Manny Pacquiao at ng maalamat ding Mehikanong si Erik Morales sa paghahangad ng Pilipinong lumipat sa super-featherweight o junior lightweight. Target ni Pacquiao at Morales ang bakantengt IBF 126-librang korona, isang hakbang tungo para maging kaisa-isang boksingerong maghari sa walong dibisyon ng isport na kanyang pinili. Hawak na ng Pambansang Kamao ang titulo ng WBC flyweight, IBF super-bantamweight at RING featherweight bago harapin si Morales na naging matalik niyang kaibigan kalaunan ng kanilang ring career. Talo ang noon ay kongresista ng lalawigan ng Sarangqani sa unang paghaharap na ginanap noong Marso 19, 2005 sa MGM Grand kung kaya’t nangailangan ng isa pang paghaharap para mapagpasiyahan kung sino ang tatanghaling panginoon ng nasabing dibisyon. Ang Thomas Mack Center sa Las Vegas ang napiling lugar para makabawi ang ating bata na noong Enero 10, 2006 pinatulog ang kanyang bagong katoto sa ika-10 round ng nakatakdang 12-round. Sa labang iyon, dalawang beses nakaiwas si Morales sa pagkatalo sa pamamagitan ng KO, una sa second round nang makuha niyang makahawak sa lubid sa gitna ng umaatikabong kaliwa’t-kanang pag-atake ni Manny. Ikalawa ay sa pang-anim na round kung saan ay bumagsak siya sa reperi sa gitna rin ng walang humpay na pagpapaulan ni Manny ng mga pampatulog niyang suntok. Bago matapos ang araw, isinuko na ng korner ng Mehikano ang parusang tinganggap ng kanilag bata nang ihagis sa ring ang tuwalya bilang hudyat na itigil na ang laban. Iyon ang kauna-unahang pagkatalo ni Morales sa pamamagitan ng TKO sa kanyang napiling propesyon. At dahil tabla na sa 1-panalo at 1-talo ang kartada ng kanilang pagtutuos, itinakda ang kanilang pangatlong paghaharap na ikdinaos Nobiyembre 18, 2006 kung kailan naging mas madali para sa Pilipino na itigil na ang pangarap ni Morales na makapag-higanti. Tatlong round lamang ang itinagal ng pangatlong laban na natapos nang nakalupasay si Morales sa lona na animo nananaginip. Pagkatapos ng laban, inihayag ni Bob Arum, ang prinsipal na promoter ni Manny na ibinalik na ng kanyang alaga ang signing bonus na natangap niya galing sa kalabang Golden Boy Promotions bilang hudyat ng intensyon ng Piipino na mamalagi sa Top Rank Promotions. Dahilan ito para idemanda ni Oscar DeLa Hoya ng Golden Boy si Pacquiao ng paglabag sa kontratang pinirmahan ng Pilipino. Noong panahong iyon si Morales pa lamang ang kauna-unahang boksingerong nkaharap ni Pacquiao sa tatlong labang serye (trilogy). (May Karugtong) Click here to translate this article to other languages via Google. Click here to view a list of other articles written by Eddie Alinea.  |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2026 philboxing.com. |
