|
Philippines, 05 Jun 2026 |
Home >> News |  |
|
||||
|
|
|
|
Alamat ni Manny Pacquiao (Ika-15 Bahagi): Ang trilohiya ni Manny vs Erik Morales By Eddie Alinea PhilBoxing.com Wed, 24 Mar 2021  Si Erik Morales matapos talunin si Pacquiao. (Kuha ni Wendell Rupert Alinea.) Matapos na malampasan ng Pambansang Kamao ang itinuring na madilim na bahagi ng kanyang buhay bilang boksingero – ang pagkatalo niya kay Timothy Bradley na naging dahilan ng pagkawala ng kanyang korona sa WBO welterweight noong 2012 na sinamahan pa ng anim na round na pagkabigo laban kay Juan Manuel Marquez sa pagtatapos nang taon ding iyon, balikan natin ng tanaw ang tatlong laban ding serye laban naman kay Mehikanong si Erik Morales. Petsa Marso 19, 2005 nang idaos ang paghaharap MGM Grand Arena. Tulad ng kanyang trilohiya kontra Bradley, bigo si Pacquiao sa unang paghaharap nila in Morales, subalit hindi dahil sa kagaguhan ng mga huwes na tinawag ni promoter Bob Arum na “tatlong bulag na bubuwit,” kundi dahil sa kanyang sariling kapabayaan. Lehitimo. Samakatuwid, ang panalo ni Morales, na sa kalaunan nay naging matalik na kaibigan ng Pilipinong idolo ng kanyang mga kababayan at ng buong mundo. Matapos ang 12 round na sagupaan, inamin mismo ng ating si Manny ang kanyang naging kakulangan: “I couldn’t see out of one eye, and it was very hard. If I am not fighting on one eye, I think I could’ve knocked him out. “ “But I did my best and gave everyone a good fight,” pag-amin ng noon ay kongresista at ngayon ay senador nang si Pacquiao. Talo man, nasiyahan naman ang 14,623 kataong nakasaksi sa laban na nakatayo sa kanilang upuan hanggang sa noong ipahayag ang kinalabasan ng kapana-panabik na suntukan. Galing ang ating manok sa 15 sunod na panalo nang malasap ni Manny ang mapait na pagkatalo na naging dahilan para magkaroon ng di lamang isa kundi dalawang laban sa sumunod na taon. Wagi ang ama ng limang anak niya sa beauty queen niyang kabiyak na si Jinkee sa pamamagitan ng TKO sa ika-10 round sa pangalawa nilang pagtutuos noong Enero 21, 2006 sa Thomas ang Mack Center sa Las Vegas at KO sa 3rd noong Nobiyembre 18 nang nasabi ring taon. Bago ang pangalawang sagupaan, pinatulog muna ni Manny si Hector Velasquez sa ika-6 na round para sa WBC International 130 librang kampeonato. Pagkatapos dispatsahin si Morales sa pangalawang bakbakan, tinalo niya si Oscar Larios sa 12 round nilang laban sa Araneta Coliseum sa Quezon City. (May Karugtong) Click here to translate this article to other languages via Google. Click here to view a list of other articles written by Eddie Alinea.  |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2026 philboxing.com. |
