|
Philippines, 20 Apr 2024 |
Home >> News >> Columns >> Manny Pacquiao |  |
|
||||
|
|
|
|
?Inspirado ako? PhilBoxing.com Thu, 17 Mar 2011  BAGUIO CITY -- Isang magandang araw po sa inyong lahat. Medyo matagal-tagal na rin nang huli ninyong nabasa ang aking kolum. Sana po ay nasa mabuti kayong kalagayan. Kung ako naman po ang inyong tatanungin, maayos naman po ang aking kalagayan rito. Nagsimula na nga po ang aking ensayo dito sa Summer Capital of the Philippines noong araw ng Lunes. Noong Martes ay medyo nanibago ako nang mag-jogging sa matarik na akyatin dito sa City of Pines. Mas matarik po ang tinatakbo ko rito kumpara sa Griffith Park sa Los Angeles. Pero, maganda ito para sa aking pagpapakundisyon. Mabuti na ?yung masanay ako sa mahirap na ensayo, para pagdating sa laban magiging madali na para sa akin. Ganado ako sa darating kong laban kay Sugar Shane Mosley sa MGM grand sa Las Vegas sa Mayo 7, na taya aking WBO welterweight belt. Inspirado ako dahil ang pound-for-pound rankings ang nakataya sa aming laban maliban sa aking belt. Ang tawagin kang pound-for-pound king ay isang napakalaking karangalan para boksingero. Lahat ay naghahangad, pero bibihira ang nagkakamit niyan. Gaya ng sinabi ko na nung nag-tour kami sa Amerika para sa laban kay Mosley, hindi ko maaaring maliitin ang aking kalaban. Lalo na ang gaya ni Mosley, bukod sa dati siyang kampeon, beterano na, mautak pa. At kailanma?y ?di pa na-knockout. ?Yan ang mga motivation ko sa labang ito. Ang talunin siya ay malaking tagumpay, at kung akin siyang ma-knockout ay isang malaking bonus. Nagpapasalamat rin po ako sa mga kababayan natin dito, dahil nagagawa kong makapag-ensayo nang walang aberya. So far, maayos na ang itinatakbo ng training camp namin dito. Ikatlong pagkakataon na ito at alam kong kasama ko kayo na aking mga kababayan sa pananalangin na makuha ko ang sapat na kundisyon. Tulad ng dati, gagawin ko ang lahat para sa labang ito. Alam kong tulad ko ay nag-eensayo rin si Mosley nang maigi para sa aming laban. Paghahandaan ko ang anumang sandatang bitbit ng aking kalaban sa gabi ng laban at sa suporta at panalangin ninyo, muli nating makakamit ang tagumpay. Hanggang sa muling Kumbinasyon. God Bless Us All! * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
