|
Philippines, 04 Dec 2024 |
Home >> News >> Columns >> Manny Pacquiao |  |
|
||||
|
|
|
|
Walang Madaling Laban PhilBoxing.com Sun, 09 Jan 2011   MANILA -- Isang magandang araw ulit ang ipinaparating ko sa inyong lahat lalung-lalo na sa mga masusugid kong tagahanga at mga tagasubaybay ng kolum na ito. Sana ay nasa mabuti kayong kalagayan saan man kayo naroroon sa mundo. Kababalik lang namin sa Pilipinas matapos ang isang mahabang bakasyon na nagsimula sa Boracay at naituloy sa Japan at Australia. Lubhang kasiya-siya at nakakarelax ang panahong ginugol ko kasama ang aking buong pamilya. Masayang-masaya ako sa paglalambing ng aking dalawang anak na babae na lubos ding nag-enjoy kasama ang kanilang dalawang kuya. Kaybilis ng panahon at ngayon, mas kalugud-logod na ang ganitong mga family trip namin ng aking asawang si Jinkee. Dati, mahirap ang maglakbay dahil maliliit pa ang aming mga anak. Ngayon, pati ang aking bunso ay kasama na sa saya. Maraming mga ala-ala ang hindi mababayaran ng anumang salapi at ang ginintuang oras namin sa isa't-isa ay bunga na rin ng pagsisikap naming mag-anak. Lahat ay nagsasakripisyo dahil na rin sa aking trabaho bilang boxer at Congressman. Dahil minsan lang magiging bata ang aking mga anak, kinakailangan kong ibigay ang nararapat na oras para rin sa kanila gaya na rin ng oras ko sa pag-eensayo at sa pagtulong sa aking mga nasasaklaw sa lalawigan ng Sarangani. Balik ulit ako sa pagsubaybay sa mga proyektong aking sinimulan at lubos akong nasisiyahan at sa wakas, masisimulan na rin ang ospital ng lalawigan. Bukod dito, marami pang proyekto ang nakasalang, gaya ng aking naipangako sa aking mga kababayan. Malapit na rin ang laban namin ni "Sugar" Shane Mosley sa May 7 at sa susunod na buwan, uumpisahan na namin ang pagpo-promote nito sa America. Uumpisahan ko na rin kahit na papaano ang paghahanda dahil alam ko, mahirap na laban ito. Marami kasi ang nagsasabi na madali ang laban na ito, iyong mga umano?y mga ekspertong manunulat na simula pa man sa una ay hindi na naniwala sa kakayahan ng isang maliit na Filipino. Magmula nang manalo tayo kontra sa mga dambuhalang kalaban ay lalo naman nila tayong kinukutya. Madali raw ang laban na ito kaya "basura" raw, ani ng isang maimpluwensiyang writer na sa tingin ko ay hindi pa nakaranas ng totoong away o di kaya ay magsuot ng gloves o maglagay ng benda sa kamay. Kaya naman daw dapat ay i-boycott ang laban na ito, gaya na rin ng kanyang panawagan na i-boycott din ang laban namin ni Antonio Margarito na isa raw na mandaraya. Ito lang ang masasabi ko: There is never an easy fight. Every time I step into the ring, I risk my life and my future. I had to find ways to negate the advantages in size of Diaz, Dela Hoya, Hatton, Cotto, Clottey and Margarito. I have stepped up to face men easily bigger and taller than me. To say that every fighter I face in the ring does not deserve attention talks about ignorance. How can a fight be easy when I have been working my hardest efforts every single time? I am no superman. When I get hit, I pretend I did not get hurt so as to frustrate my opponent. That's part of the sacrifice! Funny, these same writers who ask for a boycott almost always cover my fights, anyway. Noong laban namin ni Margarito, marami ang hindi nakakaalam na ito ang isa sa mga pinakamahirap kong laban. Nang tamaan niya ako, naramdaman ko ang lakas ng dating kampeon na 5 inches at 17 pounds ang bentahe sa akin. Kaya naman iniiwasan siyang makaharap ng marami. Gaya ni Mosley na dati ring kampeon, mas mahirap sa aking pananaw ang laban na ito dahil may taglay na bilis at talino sa ring si Shane. At dahil nakataya pa rin ang aking pagiging No. 1 pound-for-pound, sigurado akong maghahanda ng lubusan ang sinumang makakalaban ko para pabaksakin ako sa trono. Noong nagkaharap si Margarito at Mosley, marami ang tumawa sa akin nang sabihin kong kayang tatalunin ni Mosley si Margarito. Si Mosley ang pinili ko at ako ang nanalo at tumatawa sa huli. Now I say, Shane Mosley is still very much more dangerous. Bernard Hopkins is much older at 45 years old but I think he won that fight which ended in a draw! Hanggang sa muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
