|
Philippines, 23 Nov 2024 |
Home >> News >> Columns >> Manny Pacquiao |  |
|
||||
|
|
|
|
Tatlong Linggo na Lang PhilBoxing.com Sun, 24 Oct 2010  MANILA -- Magandang araw po ulit sa inyong lahat. Sana ay nasa mabuti kayong kalagayan saan man kayo naroroon. Habang tinitipa ang artikulong ito ay Ilang oras na lang at papalipad na kami papunta sa Los Angeles, California upang doon ipagpapatuloy ang pinakamahirap na yugto ng training. Kasama ang aking buong koponan at mga sparring partners, masasabi kong matagumpay at maayos ang unang yugto ng pagsasanay sa Baguio City kung saan ako nakapaghanda at nakabuo ng resistensiya, bilis at lakas. Unti-unting nanunumbalik na ulit ang aking maayos na kondisyon para sa aming laban ng dambuhalang si Antonio Margarito ng Mexico sa malawak na Cowboys Stadium sa Arlington, Texas. Tatlong linggo na lang ang bubunuin bago ang salpukan namin ni Margarito. Itala sa inyong mga kalendaryo: November 13 (tanghali ng Nov. 14 sa Filipinas). Nakataya ang bakanteng WBC super-welterweight title at ngayon pa lang ay excited na akong lumaban at habulin ang isa pang record sa sport na boksing. Kung pagpapalain ulit tayo, ang ikawalong titulo sa ikawalong magkakaibang dibisyon ang magbibigay sa atin ng karagdagang papuri at karangalan?isang record na bibihirang darating sa kaninumang mandirigma ng ring. There is still so much work to be done and I will not rest until I attain 100 percent condition going into the fight. Alam kong hindi mabuti na makuha ang peak condition kaya naman natutuwa ako at nasa tamang kondisyon ako ngayon sa yugto ng training. Sa huling araw namin sa sparring dito sa Elorde Gym, nakaharap ko sa apat na rounds si Amir Khan, ang kampeon ng Inglatera at anim na rounds naman kontra kay Michael Medina. So far, so good but we still have more room for improvement. Sa America ko kukumpletuhin ang sparring at madaragdagan pa ang aking mga sparring partners. Bukod sa maganda ang klima sa Los Angeles, kinakailangan ko ring i-promote ang aking laban sa US media. Pansamantala kong maiiwan muli ang aking mga anak at pamilya gaya ng marami kong laban mula pa noong 2001. Iyan ang ilan sa mga sakripisyong dapat kong harapin kapalit ng tagumpay nating lahat. Masasabi kong nasa 90 hanggang 95 percent na akong handa para sa laban at gusto ko pang makamit ang karagdagang bilis para mabura ko ang malaking kalamangan ni Margarito sa laki at taas. Kinakailangan ko ring makamit ang perpektong timing upang mailagan at matamaan si Margarito. Hanggang sa Muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
