|
Philippines, 04 Dec 2024 |
Home >> News >> Columns >> Manny Pacquiao |  |
|
||||
|
|
|
|
Tuloy Ang Laban PhilBoxing.com Thu, 26 Aug 2010   MANILA --- Isang magandang araw po ang aking ipinamamahagi sa inyong lahat mula Aparri hanggang Jolo at kung saan mang panig ng mundo kayo naroroon. Sana ay nasa mabuti kayong kalagayan gaya ng inyong abang-lingkod na abalang-abala sa pagsisilbi sa bayan. Matapos ang isang makabuluhang pagbisita sa bansang Singapore, balik-Pilipinas po ulit ako upang bigyan pansin ang iba pang proyekto at panukala para sa aking distrito sa Sarangani province. Marami akong natutunan at maipapamahagi sa aking maikling pagbisita sa ibang karatig-pook at dahil wala namang session sa Congress kapag Sabado at Linggo ay naging mas mabunga ang kalakaran. Bukod sa naging masaya ang trip sa Singapore dahil kasama ko ang aking mga kaibigan, nakapagbigay ulit tayo ng saya at inspirasyon sa mga kabataan, kasama na diyan ang mga boxers na nagsisimula pa lang sa amateurs. Kung masaya sila, mas masaya ako. Habang marami kaming tinatapos sa Kongreso ngayong panahong ito, tinatapos na rin ng aking mga promoters at team ang negosasyon para sa aking laban sa Nobyembre 13. Marami pa ring mga detalye ang dapat tukuyin at tapusin pero ayon sa mga pahayag, matatapos ang mga talakayan sa linggong ito. Malalaman po natin ang ibang detalye sa susunod na mga araw. Hindi pa rin final ang lugar kung saan gaganapin ang laban pero malaki ang posibilidad na sa Dallas, Texas pa rin ang laban kung hindi madadaig ng ilan pang bidders ang offer ng Cowboys Stadium. Kailangan pa ring makakuha ng lisensiya ang napipisil na kalaban na si Antonio Margarito, ang Mexicanong nasuspinde dahil sa kagagawan ng taong nagbalot ng benda sa kanyang kamay. Kung may kinalaman man si Margarito sa mga kaganapan, siya lang at ang kaniyang konsensiya ang maaaring humarap sa Dakilang Lumikha. Kung nagsisi na siya o humingi ng kapatawaran o dispensa sa bagay na di niya alam o kung may kinalaman man siya, ang mga athletic commissions ng bawat state sa US ang bahalang magbigay ng kaukulang parusa. Nasa kanilang kapangyarihan ang pagbabalik ng kaniyang lisensiya. Bukod doon, kailangan pa rin niyang harapin ang responsibilidad ng sinuman sa kaniyang koponan lalung-lalo na sa mga susunod niyang laban dahil lahat ay magmamasid. Narinig ko kung paano nagsisi at nakita natin na tinanggal ni Margarito sa kanyang team ang matagal na niyang trainer. Nalaman ko rin na bago na ang koponan ni Margarito at nangangako silang hindi na mauulit ang pandaraya at masamang gawain ng paglalagay ng pampatigas sa kanyang benda. Kailanman ay hindi dapat bigyan pahintulot ang ganitong gawain. Nasuspindi at hindi siya nakalaban ng mahigit na isang taon mula nang mahuli noong Enero, taong 2009. Kung patas ang laban, tuloy ang sagupaan namin ni Margarito sa Nov. 13. Hanggang sa Muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
