|
Philippines, 04 Dec 2024 |
Home >> News >> Columns >> Manny Pacquiao |  |
|
||||
|
|
|
|
Mahirap maging P4P king PhilBoxing.com Thu, 26 Feb 2009  MANILA?Kumusta po ulit sa inyong lahat mga ginigiliw kong tagapagsubaybay ng kolum na ito. Sana ay nasa mabuti kayong kalagayan saan mang bahagi ng mundo kayo naroroon. Papaalis na ako kasama ang mga pinagkakatiwalaang miyembro ng aking team papuntang Estados Unidos upang doon magsimulang lumipad patungong United Kingdom sa katapusan ng buwan na ito. Marami pa ring mga bagay ang aking tinatapos sa kasalukuyan gaya ng shooting ng aming teleserye, ang ?Totoy Bato,? kasama at pinangungunahan ng aking kaibigan na si Robin Padilla at marami pang mga sikat na artista. Bukod sa maraming iba pang pinagkakaabalahan, siyempre, dala ko kahit saan ako magtungo ang titulo ng pound-for-pound best fighter sa buong mundo at dahil diyan, kailangan kong pangalagaan ang aking pangangatawan, isipan at lahat ng bagay na nakapaligid sa aking pagkatao. Alam ko na ako ang tinatawag na Ambassador of Goodwill ng sport na ito kaya dapat kong pangalagaan ang aking reputasyon at ang magandang pangalan. Kasama na rin sa responsibilidad ng pagiging No. 1 boxer sa mundo ay ang pagdepensa sa mga sinturon na aking nakamit natin nitong mga nagdaang buwan at taon. Pinalad tayo na manalo ng tatlong malalaking laban noong isang taon at ngayong taon naman ay lalaban ulit sa ikaapat na magkakaibang weight division?ang 140 pound light welterweight class. Papasukin natin ang kakaibang teritoryo ng magiting na Englishman na si Ricky Hatton, na siyang kinikilalang hari ng 140-pound division. Nakakasa na ang laban namin na gaganapin sa May 2 sa MGM Grand Arena sa Las Vegas, Nevada at excited na po ako na lumaban ulit. Bilang pound-for-pound best fighter at dating hari ng 130-pound super-featherweight division at ng 135-pound lightweight division, at kamakailan ay naging isang manlalaro ng 147-pound welterweight division, hindi maiiwasan na halos lahat ng mga kampeon ng bawat dibisyon ay nagbibigay ng hamon sa akin. Hindi naman sa umiiwas sa pagtanggap ng hamon ng bawat isa sa mga ito, malaki man sila o kahit na sila maliit, kailangan ko lang na lumaban sa isang dibisyon at mahirap palipat-lipat ng timbang lalung-lalo na sa 130-pound weight class. Alam naman po ninyo, wala tayong inurungang paghamon, kahit na mas malalaki at matatangkad ang mga kalaban natin. May tiwala ako sa aking team na silang gumagabay sa bawat desisyon na aming pinagkakasunduan. Kasama na rin diyan ang hindi ko pagdepensa sa 130 at 135-pound division dahil na rin sa schedule ng aking mga susunod na laban. Maraming salamat po ulit sa World Boxing Council at sa mga taong bumubuo nito sa pagkilala nila sa akin bilang kampeon ngunit talaga pong mahirap depensahan ang bawat sinturon na ating nakakamit. I treasure the moment being the 130 and 135-pound title holder but I had to give up the belts because I have decided to fight and issue a challenge in the higher weight classes. Hanggang sa Muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
