Philippines, 31 Jan 2023
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


KONTING TIIS NA LANG

PhilBoxing.com
Sun, 02 Mar 2008

LOS ANGELES -- Hello everyone, I hope everything is fine. If you are going to ask me how I am feeling and what is going on with my training, I would like to let everyone know that I am doing very well.

Umabot na po ako sa pinakamahirap na yugto ng aking training at gusto ko lang na ipaalam sa lahat na nalampasan ko na ang mga matitinding pagsubok na nasa harapan ko. Masaya po ang aking coaching staff na binubuo ni Freddie Roach, Buboy Fernandez at Nonoy Neri at ang conditioning coach ko na si Eric Brown sa ipinakita kong lakas, bilis at stamina. Konti pa, matatamo ko na ang isang perfect condition.

Sa kauna-unahang pagkakataon sa loob ng ilang linggong paghahanda para sa laban namin ni Juan Manuel Marquez sa March 15, tinapos ko ang 12 rounds ng sparring kontra sa tatlong boxer na naghalinhinan.

Noong Martes at Huwebes, nag-spar ako ng tig-11 rounds. Nitong Sabado, limang rounds ang tinapos ni Rey Beltran, apat kay Juan Garcia at tatlo kay David Rodela. I felt good after sparring 12 rounds and I think I am peaking at the right time. I am training very hard for this match and I promise to give all boxing fans a very good fight. Kayo pong lahat ang aking inspirasyon.

Para sa laban na ito, ang paghahanda ko ay masasabi kong isa sa pinakamatindi sa lahat, kung hindi ito na ang pinakamatindi sa loob ng 13 taon ko na sa sport. Sa pagmamatyag ng aking team, binabantayan namin ang aking timbang at kundisyon para matiyak na nasa 100 percent ako sa araw ng laban.

Plano kong tapusin ang 130 hanggang 140 rounds ng sparring hanggang sa pababa na ako ng rounds ng sparring sa huling linggo ng training sa Las Vegas, gaya ng nakaugalian na namin.
Mahirap para sa isang boxer ang ma-over train kaya tinatantiya ko ang sarili kong kakayahan at lakas para hindi ako mag-peak na maaga.

Excited na po ako kahit na mahirap pa rin ang aking tatahaking landas sa susunod na dalawang linggo ng training. Kayo pong lahat ang dahilan kung bakit halos pinapatay ko ang sarili ko sa insayo. Ito po ang palagi kong sinasabi sa lahat ng mga boksingero na gustong sumunod sa aking mga yapak: Na kapag handa ka sa laban, wala kang kinakatakutan. Kapag matibay ang iyong katawan at pag-iisip at may pananalig ka sa Diyos, mas madali ang pagtamo ng tagumpay.

Minsan ko na naman pong hihingin ang inyong panalangin para sa ikatatagumpay nating lahat. Konting tiis na lang, konting sakripisyo pa. Sana po, mapanood ninyo ang aking laban dahil ibibigay ko po ang lahat ng aking makakaya, ibubuhos ko ang lahat ng aking lakas para lamang pag-isahin kahit na sa isang sandali ang ating bayan na unti-unti na namang nagkakawatak-watak. Sana po, magkaisa tayong lahat sa pagsulong, hindi sa pagsira ng ating ekonomiya.

Hanggang sa muli, sa susunod na Kumbinayon! God bless us all.

***

Para po sa mga taong hindi naniniwala na ako ang nagsusulat ng kolum na ito, mag-email lang po kayo sa mannypacquiao@abante-tonite.com.


This article is also available at Abante Online.



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2023 philboxing.com.