Philippines, 31 Jan 2023
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Magkaisa Na Tayong Lahat

PhilBoxing.com
Thu, 08 Nov 2007

Sa mga nakaraan kong kolum ay nabanggit ko na magkakaroon ng WBC Convention dito sa Pilipinas at 'yan ay sa susunod na linggo.

Maraming mga bisitang darating dito sa atin na matataas na mga opisyal galing sa iba't-ibang bansa at isa sa mga host sa nasabing Convention ay ang MP Promotion, kasama ang Games and Amusement Board (GAB).

Mahigit sa isang libo ang dadalo sa nasabing Convention. Napakaswerte nating lahat, dahil sa kabila ng maraming lumabas na hindi magandang balita dito sa atin, ay marami pa rin ang mga bisitang darating dito. Kaya sana tulungan natin ang ating bansa, sama-sama nating iangat sa kahirapan at lalong-lalo na sa kaguluhan.

Bagamat ako'y nalulungkot dahil sa kabila ng aking paghihirap na iangat ang ating sariling bayan, ay may iilan pa ring mga kapwa natin na pilit hinihila pababa ang ating bayan.
Nawa'y maintindihan ng ating mga kababayan na hindi natin kailangang sirain ang ating sariling tahanan. Ang ibig ko lang pong sabihin ay magkaisa na tayong lahat at magkapit-bisig tungo sa ating magandang bukas.

***

Update naman po sa akin, heto busy masyado sa pag-aaral. Alam n'yo ang sarap pala mag-aral, dahil marami akong bagong natutunan at hindi rin madali ang maging college student, kailangan talaga naka-focus ka, para ding boksing at lagi kang mag-study ng lecture. Matagal ko na kasi itong pangarap, na makapagtapos sa kolehiyo, nawa'y makapagbigay ito ng inspirasyon sa lahat ng hindi nakapag-tapos ng pag-aaral, dahil naniniwala ako na ang kaalaman ay ang kayamanan na hindi mahihiram at manakaw ng sinuman.

Ang susunod kong laban ay next year pa, buwan ng Marso, pero hindi pa alam ang petsa. Maraming mga naghahamon sa akin at hinihintay ko na lang ang kumpirmasyon, kung sino ang magiging kalaban ko, dahil sa ngayon ay patuloy pa rin ang negosasyon.

Ako naman ay walang pinipiling kalaban. Basta sana lagi at patuloy n'yo po akong suportahan sa aking mga laban. Maraming salamat sa lahat ng dasal at suporta. Hanggang sa muling "Kumbinasyon." Mabuhay tayong lahat.


This article is also available at Abante Online.

Send your comments to Manny Pacquiao at mannypacquiao@abante-tonite.com.



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2023 philboxing.com.