|
Philippines, 04 Dec 2024 |
Home >> News >> Columns >> Manny Pacquiao |  |
|
||||
|
|
|
|
Balik-Eskuwela Po Ako PhilBoxing.com Sun, 21 Oct 2007  Nandito ako ngayon sa GenSan para ipagpatuloy ang aking pag-aaral. Ang sarap pala ng maramdaman ng isang estudyante. Tulad po ng nabalitaan n'yo, balik-eskuwela po ako, sa Notre Dame of Dadiangas University po ako pumapasok. Sa unang araw ko, medyo nangapa at ninerbiyos ako, kasi hindi naman ito tulad sa boksing. Sa boksing, pagdating ko sa gym, alam ko agad ang gawin, mag-shadow box, skipping rope, speedball, susuntok sa heavy bag, punchmitt at esparing. Sa school kailangan gumawa ng homeworks, sumagot sa klase, ganun. Nakaka-excite din. Kung sa boksing pag-akyat ko sa ring ako ang boss, dito sa paaralan, 'yung mga professor ang boss. Bale nag-umpisa ang klase ko ng 8 a.m., matapos ng 5 p.m. hanggang matapos ang buwan ng October hanggang first week ng November, tuluy-tuloy 'yun. Kaya 'yung shooting sa pelikula medyo saka na muna, kapag natapos na ang klase ko. Gusto ko talagang makatapos ng pag-aaral. Ito ang isang bagay na hindi ko nagawa nong bata pa ako. Pero hindi ko sinisi ang magulang ko, dahil alam ko nagsikap naman sila nu'n na mapag-aral ako, pati ang mga kapatid ko. Kaya lang kulang sila sa pera. Kaya nga nagsikap ako sa boksing kasi gusto ko talaga makapag-aral uli, at heto nga pumapasok na ako at sikapin ko na makatapos. *** Hindi lang si Edwin Valero at si Juan Diaz ang gusto akong makalaban. Ang balita ko pati si Joel Casamayor ay naghamon na rin. Sa akin walang problema kung sino sunod ko makalaban, kasi boxer ako at trabaho ko na labanan kung sino ang itapat sa akin ng promoter, paghandaan ko 'yan. Pero sabi ko nga wala pang malinaw kung sino ang sunod kong makalaban. Kapag pumirma na ako ng kontrata, 'yun na ang final. Siguro sa December pa 'yon, at malalaman n'yo naman dito sa kolum ko kapag plantsado na ang lahat. Sa ngayon, talagang gusto ko munang mag-enjoy, hanggang sa birthday ko at pagkatapos saka ko harapin uli ang boksing. By the way, suportahan po ninyo ang WBC Convention sa sunod na buwan na gagawin dito sa Pilipinas. Ang MP Promotions po ang mag-promote ng boxing event para sa convention at kumpleto na po ang card na tatlong local title fights at isang non-title na kasali ang isang Japanese boxer. Sa December din po mag-promote ang MP sa Cebu para naman po may pamasko ang mga boksingero natin. Idetalye ko sa inyo sa sunod na kolum, pati na ang iba pang promosyon ng MP. Hanggang sa muling 'Kumbinasyon'. Mabuhay! This article is also available at Abante Online. Send your comments to Manny Pacquiao at mannypacquiao@abante-tonite.com. Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
