|
Philippines, 04 Dec 2024 |
Home >> News >> Columns >> Manny Pacquiao |  |
|
||||
|
|
|
|
My Little Princess PhilBoxing.com Sun, 14 Oct 2007  Kumusta po kayong lahat? Ang sarap ng pakiramdam na natapos na rin ang paghihirap ko sa insayo. Pagtapos ng dalawang buwang pagpatay ko sa sarili sa gym, heto na ako at makapag-relax na. Muli po ang aking pasasalamat sa inyong mga dasal para ako po'y manalo. Para sa ating lahat po ang aking tagumpay. Mula po nang ako'y dumating noong Huwebes ay busy na talaga ako. Marami po kasi akong naiwang komitmen bago pa ang laban namin ni Marco Antonio Barrera. Gaya po ng mga nareport na sa diyaryo, radio at television, uuwi po muna ako sa GenSan para harapin ang aking mga magulang, kapatid, mga kaibigan at kababayan dun. Pero sa araw na ito ng Linggo, nasa Cebu po ako para sa pagsimula ng basketball tournament doon. Sa mga Cebuano, kita-kita tayo dyan. *** Tuwang-tuwa ako habang tinitingnan ang aking si Little Princess na nag-celebrate ng birthday noong Biyernes ng gabi sa Renaissance Hotel. Nakita ko kung gaano kasaya si Princess, pati na sina Jimwel at Michael at ang lahat ng mga batang dumalo. Iba talaga ang kasiyahan ng mga bata. Iniisip ko habang pinapanood ko sila, masusuwerte silang bata, dahil wala pa silang problema at nakaranas na sila ng kaunting luho, na hindi ko natikman noong ako ay bata pa. Pero alam ko naman na gusto rin noon ng magulang ko na maging masagana ang buhay namin magkakapatid, kaya lang hindi sapat ang kanilang kinikita para makasustento sa amin. Idea ng misis kong si Jinkee ang konsepto ng birthday party ni Princess at lahat ng dumalo ay nagsabing maganda ang naging bihis ng ballroom, na parang kastilyo ng tunay na prinsesa. Sa mga dumalo at nakibahagi sa birthday ni Princess, maraming salamat, kahit hindi pa naintindihan ng anak ko 'yung party niya, alam kong paglaki niya ay matutuwa siyang makita ang mga pictures niya sa party na 'yon. 
Manny at Jinkee sa 'birthday celebration' ni Princess. Itaas: Princess Pacquiao. *** May nagtanong sa akin kung ano raw masabi ko sa mga tumitira sa akin? Ang sagot ko, wala lang. Ang masabi ko lang, 'yun mga tunay na nakakilala sa akin, alam nila kung ano ako, kung ano ako sa aking mga kaibigan. Pero ganyan naman ang buhay, hindi lahat ng tao masiyahan sa mga ginagawa ko. Pero, gawin ko pa rin ang obligasyon ko bilang atleta at 'yan ay ang mabigyan ng karangalan ang ating bansa. Hanggang sa muling 'Kumbinasyon.' Mabuhay. This article is also available at Abante Online. Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
