|
Philippines, 19 Apr 2024 |
Home >> News >> Columns >> Manny Pacquiao |  |
|
||||
|
|
|
|
'Di Pa Natin Alam Ang Mangyayari PhilBoxing.com Thu, 27 Sep 2007  LOS ANGELES --- Mga kababayan ko malapit na ang laban namin ni Marco Antonio Barrera. At marami na rin ang may haka-haka na si MAB ang mananalo sa laban. Mayron naman nagsasabi, ako ang mananalo. Hindi pa natin alam kung ano talaga ang mangyayari, dahil hindi pa naganap ang laban. Lahat 'yan ay atin pang aabangan. Pero hindi natin masisi ang mga nagbigay ng kani-kanilang mga opinion, para sa akin ang mahalaga ay mabigyan ng kasiyahan ang aking mga kababayan at maitaas ko ang bandila ng Pilipinas at sa tuwing ako'y lalaban ay nakikita ko ang pagkakaisa ng sambayanang Pilipino ay lalo akong ginaganahan. At kahit na araw-araw ay lalaban ako para sa pagkakaisa ng sambayanang Pilipino. Hindi ko naman sinasabi na idolohin ako ng lahat ng mga tao, ang sa'kin lang naman po ay masaya ako na makita na nagkakaisa at nagkakasundo ang aking mga kababayan. Nalulungkot po ako sa tuwing nag-aaway at nagkakagulo ang mga kababayan ko. Huminahon po tayong lahat at h'wag po nating kalimutan ang pagmamahal sa ating puso sana po magkaisa na tayo. *** Kung napapansin n'yo po, marami akong ginagawa, nag-aaral po akong magsulat tulad nitong "Kumbinasyon," at saka halos lahat ng sports ay gusto kong matutunan. 'Yan po ay nais kong ipadama at ipakita para makapagbigay ako ng inspirasyon at pag-asa sa lahat, na kaya natin basta magsikap lang tayo. Dito sa "Kumbinasyon" ko ay maipadadama ko sa inyo ang aking mga pinagdaanan para makarating ako sa tagumpay. Anyway, marami na ang mga nag-email at nagbigay ng suporta sa akin sa tuwing lalabas ang aking artikulo, karamihan ay mga overseas workers, maraming salamat po sa lahat ng suporta at sa pagbabasa n'yo sa "Kumbinasyon." # Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
