Philippines, 26 Sep 2020
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Pagbabalik ni Justin Fortune

PhilBoxing.com
Mon, 07 Oct 2013



MANILA ? Isang magandang araw po ulit sa lahat ng mga masusugid kong mga kaibigan, kapamilya at fans lalung-lalo na sa mga sumusubaybay ng kolum na ito sa Bandera.

Sana ay nasa mabuti kayong kalagayan gaya rin ng inyong abang lingkod. So far, so good! Sa pagpasok ng buwan ng Oktubre, malugod kong ibabalita sa inyo na maganda ang takbo ng training natin sa paghahanda laban kay Brandon Rios sa Cotai Arena sa Macau, China.

Sa Nobyembre 23 (Nobyembre 24 Philippine time), siguradong umaatikabo ang magiging bakbakan laban sa Mexican-American na boksingero. Malugod ko ring ipinamamalita ang bagong surpresa ng aking team ? ang pagbabalik ni Justine Fortune.

Si Fortune, ang dati kong strength and conditioning coach, ang tatapos sa nasimulan naming pagsasanay simula noong isang buwan. Kasama ko si Fortune nang magsimula akong manalo kontra kay Marco Antonio Barrera noong 2003.

Hindi ko maisip na sampung taon na pala ang nakakalipas mula noong sumikat ako sa larangan ng boksing. Sa pagpapalit at paglipat ng dati kong strength and conditioning coach na si Alex Ariza sa kampo ni Rios, kinuha ko si Fortune dahil natatandaan ko ang magandang kondisyon na nagamit ko sa laban kontra kina Barrera, Erik Morales, Oscar Larios at iba pa.

Sa hindi pagkakaintindihan nina coach Freddie Roach at Fortune noong 2007, sa laban ko kontra kay Jorge Solis, maganda ring maipakita sa lahat na ang pagpapatawad at pagbabalik-loob ay isang mabuting asal na maituturo natin sa lahat ng tao, lalung-lalo na sa mga bata.

Love your God. Love your neighbor. Love, even your enemy. Iyan ang utos sa atin ng ating Panginoong Diyos. Ang pagtatambal muli ni coach Freddie at Justine, upang masimulan ulit ang pagbabalik ko mula sa pagkalugmok sa dalawang magkasunod na talo, ay simbulo ng pagbabalik ng isang makabagong Manny Pacquiao.

Ang tiwala ko sa aking team na siyang magdadala sa akin sa panibagong sigla at lakas upang manalo ulit, ang magiging hudyat ng pagbabago nating lahat.

Naniniwala ako na ang isang solid na koponan at ang isang magandang training camp ay mga susi para sa matagumpay na kampanya.

Sana po ay ipagpatuloy ninyo ang pananalangin at pagsuporta para sa akin habang ako rin ay nananalangin para sa inyong lahat.

May Almighty God Bless Us All.
Hanggang sa Muling Kumbinasyon.




Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2020 philboxing.com.