Philippines, 05 Oct 2022
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Pananabik sa Pagbabalik sa Ring

PhilBoxing.com
Thu, 14 Jul 2011



SARANGANI--Isang magandang araw ang nais kong ipamahagi sa inyong lahat saan mang panig ng mundo kayo naroroon.
Ipagpaumanhin na ninyo ang medyo mahabang pagkaudlot ng kolum na ito sanhi na rin ng kaabalahan ko sa maraming bagay na hindi saklaw ng aking mahal na sport ng boxing. Pero gaya ng dati, ang lahat ng mga bagay na aking ginagawa ay ang maipaglaban ang mga karapatan ng mga mamamayan kontra sa kahirapan, kawalan ng hustisya at paglapastangan sa Inang Lupa.

Kung abala ako minsan sa sport ng diving, ito na rin ay dahil gusto kong makita kung may mga namiminsala sa ating kayamanang pandagat. Of course, kasama na rin diyan ang aking pakikiugnay sa mother nature na sobra sa ganda. Sa ilalim ng dagat, mararamdaman mo ang kapayapaan at katahimikan.

Ngayong recess din kami sa aming mga session sa Kongreso, pinapasyalan ko ang aking distrito sa Sarangani upang lalong maramdaman ang mga pangangailangan ng aking mga nasasaklawan. Sa kabilang dako, excited na akong mag-ensayo at bumalik sa ring.

Ayon sa proposed schedule ng aking susunod na laban sa Nobyembre 12, sa Las Vegas, Nevada, magkakaroon ng maraming pakulo sa napipintong world promo tour, kabilang na dito ang aking makakalaban na si Juan Manuel Marquez. Ayon sa balita, magsisimula raw sa Manila ang press conference at hahantong sa Los Angeles at sa bansa ni Marquez, sa Mexico.

I can't wait to step into the ring and train for this fight because there seems to be some unfinished business with Mr. Marquez. Marami akong dapat tapusin at patunayan sa ikatlong laban namin.

Tumba si Marquez noong una kaming nagkaharap noong 2004 dahil na rin sa pagkakamali ng isa sa mga judges, si Burt Clements, sa pag-score kung saan tatlong beses bumagsak si Marquez sa unang round. Kung 10-6 sana ang score na naitala niya sa scorecard, panalo sana ako via split decision. Noong 2008, na-knockdown ko si Marquez ng isa pang beses upang maitala ko ang isa na namang split decision, isang decision na hindi nirespeto ni Marquez at ng iba pang mga opinyon.

Magsisimula pa rin ang training para sa laban na ito sa high-altitude camp namin sa Baguio City at tatapusin sa Los Angeles, kung saan mahigit na sampung taon na akong bumabalik-balik. Para sa laban na ito, at gaya ng lahat ng nakalipas na mga laban, kakailanganin ko ang inyong suporta at panalangin.

Hanggang sa muling Kumbinasyon. God Bless Us All.

* * *

This article is also available at Abante Online.

Send your comments to Manny Pacquiao at mannypacquiao@abante-tonite.com

.



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2022 philboxing.com.