Philippines, 30 Mar 2020
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Tapang, talino at bilis

PhilBoxing.com
Sun, 14 Nov 2010




ARLINGTON, Tx -- Magandang araw po ulit sa inyong lahat, sa aking mga kababayan saan mang sulok ng mundo. Nasaan man kayo naroroon, alam kong sabik na kayo sa aking laban.

Ito na po ang ating pinakahihintay na sandali. Ngayong gabi sa Cowboys Stadium, makakaharap ko na si Antonio Margarito upang pag-agawan ang belt ng WBC super welterweight division.

Inaasahan kong mainit ang magaganap naming laban. Dahil alam kong pinaghandaan niyang mabuti ang labang ito. Nababalitaan ko rin na talagang pinag-aralan nila ang aking galaw.

Pero, wala po akong kaba. Kailangan kong maging matapang upang ipakita sa aking kalaban na kahit siya?y malaki ay hindi ako uurong sa laban. Handa ako sa laban at sa anumang ibabato sa akin ng kalaban mula sa Tijuana, Mexico.

Kapwa kami may misyon ni Margarito.

Misyon niyang talunin ako at nang makabawi ang mga Mexican na aking tinalo sa mga nakalipas na laban.

Misyon ko naman na makuha ang ikawalong titulo. Bagay na hindi pa naisasakatuparan ng kahit sinong boksingero.

Marami ang nagulat at nagtaka sa aking naging timbang kahapon sa weigh-in.

May nagsasabing agrabiyado ako sa tinimbang na 144.6 lbs. Si Margarito ay may timbang na eksaktong 150-lbs kahapon. At inaasahan kong bibigat pa siya sa gabi ng laban.

Katulad sa mga nagdaan kong laban, tapang at talino, idagdag pa ang bilis ang aking sandata para magtagumpay.

Kaya po hindi ako nagpabigat ng timbang ay upang hindi mabawasan ang aking bilis.

That?s why we come in @ 144.6 lbs in yesterday?s weigh-in.

Speed is my advantage in every fight.

Ngayong gabi na po natin makikita ang lahat ng pinagdaanan kong hirap sa ensayo, mula pa sa Maynila, hanggang sa Baguio City at hanggang sa Los Angeles.

Ang bunga ng araw-araw na hirap sa gym ay aking ilalabas. Pero nais kong hilingin ang inyong suporta sa isa na namang mabigat na pagsubok na ito.

Tulad din po sa mga nakaraan ko ng mga laban, hindi ako magsabi ng resulta. Basta sa gabi ng laban, ibibigay ko ang lahat. Nais kong mabigyan ng kasiyahan ang lahat ng mga sumusuporta at sumusubaybay sa akin.

Magagawa ko rin ito sa tulong ng inyong dasal, upang sa bandang huli?y sabay-sabay tayong magtagumpay.

Hanggang sa muling Kumbinasyon. God Bless Us All!

* * *

Top photo: artwork by Michael Canja.

This article is also available at Abante Online.

Send your comments to Manny Pacquiao at mannypacquiao@abante-tonite.com



Click here for a complete listing of columns by this author.

Click here for a complete listing of this author's articles from different news sources.

 




 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2020 philboxing.com.