Philippines, 05 Jul 2022
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Panahon Na Para Lalong Kumilos

PhilBoxing.com
Sun, 24 May 2009



GENERAL SANTOS CITY ? Kumusta po ulit sa lahat ng aking mga pinakamamahal na tagasubaybay ng kolum na ito. Sana ay nasa mabuti kayong kalagayan habang naghihintay tayo sa susunod na laban.

Nitong mga nagdaang araw, maraming mga kaganapan ang nangyayari sa aking buhay at lahat ay bunga ng aking tagumpay sa ibabaw ng ring. Maraming mga oportunidad ang lumalapit sa akin at lalong dumarami ang aking mga responsibilidad hindi lang sa aking pamilya kundi na rin sa komunidad, sa bansa at sa buong sambayanang Pilipino na nagiging parte na ng aking buhay. Kaya kahit ngayon, medyo mahirap maghanap na ng panahon upang magpahinga at mag-relax ng kaunti.

Dahil sa kinakailangan kong gampanan ang lahat ng aking mga bagong responsibilidad, mahalaga sa akin na itama ang lahat ng mga bagay na nakaugnay sa aking buhay. Kinakailangan ko nang kumilos lalo upang masundan ang aking mga pagtatagumpay sa ibabaw ng ring.

Sa bawat araw na nawawala at lumilipas, malaking oportunidad din ang nawawala kung hindi ko susundan ang ating nasimulang pagsikat at pag-akyat, hindi lang sa itaas ng ring kundi sa ring ng ating buhay.

Kaya naman itinatayo ko ang ilan sa maraming proyekto na sabay-sabay magpapatayog ng ating mga minimithi sa buhay. Nakapag-invest ako ng malalaking proyekto na tutulong sa aking mga kababayan gaya ng isang cancer research at treatment center sa Mindanao, kasabay na rin ng ilan pa sa mga nasimulan ko nang mga pinagkakaabalahan gaya ng medical missions, scholarships ng mga mag-aaral, environmental awareness at marami pang iba.

Kasama pa niyan, ipina-trademark ko na ang aking pangalan upang ako lang ang gagamit nito at hindi maaabuso ng ilan ang paggamit nito. Kasabay nito, nakapagtayo na ako ng isang merchandising company na siyang magsisimula ng maraming mga proyekto para sa aking kinabukasan. Alam ko namang balang araw ay magreretiro na rin ako kaya naman isinasa-ayos ko na ang lahat para hindi ako matulad at maparis sa ilan sa mga boksingerong sumikat minsan at hindi na nagkaroon ng pagkakataon na makapag-impok para sa kinabukasan.

Ang Manny Pacquiao Foundation ay buhay at lalong magiging abala upang makapangalap ng suporta ng lahat para sa ikauunlad unang-una ng lahat ng sambayanang Pilipino at pati na rin ang lahat ng mga tao sa mundo na mangangailangan ng tulong sa madaling panahon.

Dahil na rin sa dami ng kinakailangang gawin, dumarami rin ang mga taong tumutulong sa akin at unti-unti nang nabubuo ang aking koponan para harapin ko ang mas malalaking pagsubok sa aking career, hindi lang sa ibabaw ng ring kundi sa lahat ng pang-araw-araw kong buhay.

Sa tulong ninyong lahat, ang mga ito ay mangyayari sa darating na mga araw at sama-sama pa rin tayo. Hanggang sa muling Kumbinasyon. God Bless Us All.

* * *

This article is also available at Abante Online.

Send your comments to Manny Pacquiao at mannypacquiao@abante-tonite.com



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2022 philboxing.com.