|
Philippines, 25 Apr 2024 |
Home >> News >> Columns >> Manny Pacquiao |  |
|
||||
|
|
|
|
Muli, ang aking pasasalamat sa inyong lahat PhilBoxing.com Thu, 14 May 2009  MANILA ? Sampung araw pa lang ang nakakaraan matapos nating magwagi kontra sa Englishman na si Ricky Hatton, pero parang napakarami na ang nangyari mula noon hanggang ngayon. Mula sa aking kontrobersiyal ngunit inaabangang pagdating sa Manila mula Los Angeles hanggang sa mga parada sa Kamaynilaan, sa Malacanang at sa General Santos City at Sarangani, ako po ay lubos na nagagalak sa lahat ng pagmamahal na inyong ipinakita at ipinadama. Maraming, maraming salamat po ulit sa inyong lahat, mula sa mga pinakamaliit na bata hanggang sa pinakamatandang fans at tagahanga. Pati na rin iyong mga taong hanggang ngayon ay hindi pa rin naniniwala sa aking kakayahan, maraming salamat din po sa inyong mga panalangin. Naging iisa na naman ang ating bansa, naging iisa ang tinig ng mga mamamayan, natigil ang karahasan at putukan, nawala ang krimen sa lansangan, naging marangal ulit ang Filipino sa buong mundo at taas-noo tayong humarap sa ating kaaway. Nagwagi tayo dahil sabay-sabay tayong nanalangin at nanaginip na kakayanin nating talunin ang kalaban sa malinis at patas na labanan sa ibabaw ng ring. Iisa ang ating tinig at sa isa muling pagkakataon, inilagay natin ang ating kamay sa ating mga puso upang kantahin natin ang Lupang Hinirang. Iwinagayway sa buong mundo ang bandila ng Pilipinas at kasama na rin ng aking awitin nang ako ay umakyat sa ring, nabuhay muli ang pagmamahal natin sa ating lupang tinubuan. Nang aking sambitin ang mga katagang, ?Sumigaw ang Pinoy?,? at sabay-sabay kayong sumigaw upang maipakita sa mundo kung sino kayo, nakapagbigay ito ng kakaibang lakas, sigla at inspirasyon upang lalo kong pagbutihin at bilisan ang pagkuha ng panalo. Kaya naman po gusto ko nang umuwi, upang makapiling ko sa lalong madaling panahon ang aking mga kababayan at pamilya. Pero, halos ipagbawal sa akin ang aking pag-uwi dahil na rin daw sa kumakalat na virus sa buong mundo. Hindi naman po sa pagmamalabis, pero hindi ko magagawang maging sanhi ng pagkalat ng nakakahawang virus. Ilan po sa aking mga kasambahay at kaibigan sa Los Angeles ay nauna nang umuwi at hindi naman sila hinarang sa airport. Bago rin ako tuluyang lumabas ng airport, siniguro kong wala akong dalang virus dahil alam kong maraming tao ang potensiyal na mahahawa kung saka-sakali. Pero marami pa rin ang gustong tumuligsa sa akin. Maraming tao ang dumarating araw-araw galing sa iba?t-ibang bahagi ng mundo pero hindi naman sila gaanong hinihigpitan. Minsan, marami akong mga bagay na hindi talaga maintindihan. Kaysarap na balikan ang mga nagdaang araw, ang mga hirap at sakripisyong aking dinaanan at kasama na rin ang mga pagsubok na hinarap. Pero naririyan kayong lahat upang suportahan ako at magbigay sa akin ng sapat na rason upang huwag sumuko at asamin ang pinakamataas at pinakamatamis na simbulo ng paghahari sa mundo. Thank you ulit. Hanggang sa Muling Kumbinasyon. God Bless Us All. Top photo: KIAMBA, Sarangani ? Mayor Rom Falgui leads a packed crowd at the town plaza during the Hero?s Welcome for boxing champion Manny Pacquiao Tuesday, May 12. (KIAMBA NEWS CENTER/Allan C. de Lima) 
KIAMBA, Sarangani (May 13, 2009) ? Boxing champ Manny Pacquiao gets a new uniform Tuesday, May 12, during his conferment with honorary membership to the Philippine Army 73rd Infantry Battalion by battalion commander Lt. Col. Edgardo de Leon. (Cocoy Sexcion/SARANGANI INFORMATION OFFICE) * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
