Philippines, 29 Jan 2022
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Happy Valentine?s Day Sa Lahat

PhilBoxing.com
Sun, 15 Feb 2009




GENERAL SANTOS CITY?Magandang araw po sa inyong lahat. Happy Valentines Day din sa aking mga tagasubaybay, mga kapwa Filipino at mga fans ng boxing sa buong mundo.

Kahit na siguro lumabas na medyo late ang kolum na ito at hindi na February 14, alam ko naman na marami pa rin sa inyo ang naniniwala na puwedeng maging araw ng mga puso sa bawat araw.

Una sa lahat, gusto kong batiin ng buong pagmamahal ang kabiyak ng aking puso, si Jinkee, ang aking pinakamamahal na asawa. Siya ang nagbibigay sa akin ng inspirasyon sa bawat laban at sa pang-araw-araw na paglipas ng panahon. Hindi ko na lubos maisip na kaybilis talaga ng panahon at mula pa noong nagkakilala kami at ikinasal ni Jinkee, naging apat na ang aming anak at tuluy-tuloy ang aming paglakad sa bawat pagsubok ng buhay.

Kasama ko siya sa pagsulong ng aking boxing career at nagpapasalamat ako sa kaniya dahil naiintindihan niya ang hirap ng pagiging isang public figure at ang mga sakripisyo na nakakabit dito.

Totoo po, minsan, nami-miss ko na rin na magkaroon ng normal na buhay, iyong tahimik at iyong nakakapaglakad sa kalye na walang bodyguard at walang pumapansin sa iyo. Halos nagiging imposible na na bibisita ako sa isang mall o manonood ng sine na hindi pinuputakti ng tao. Mahirap po talaga sa akin na makaalis sa mga ganitong sitwasyon dahil mahirap talaga kung minsan pasayahin ang lahat ng tao. Kadalasan, kailangan nating kamayan ang lahat kahit na kinakailangan nang umalis at kinakailangan nang magpaalam.

Pati si Jinkee, kung minsan ay kinakailangang magpakuha ng mga pictures sa aking mga fans at kababayan. Kung minsan, sasabihin ng ibang tao na isnabero kami kapag hindi na pumapayag sa kanilang kagustuhan. Mahirap pagbigyan ang lahat at hindi natin mapapasaya ang lahat.

Maraming mga bagay ang kasama ng pagsikat ng isang tao. Nandiyan ang maraming pagsubok sa ating buhay sa araw-araw at salamat kay Jinkee sa pagiging matatag at malakas sa gitna ng lahat ng ito. Mula nang makilala ko siya noong hindi pa ako gaanong sikat, hanggang sa ikinasal kami at magkaroon ng mga anak, naririyan siya sa aking tabi upang magbigay ng direksiyon sa buhay. Hindi ko rin lubos maisip kung anong klaseng buhay mayroon ako ngayon kung ako ay single pa. Marahil, walang patutunguhan ang aking buhay.

Sa aking mga anak ? sina Jimuel, Michael, Princess at Queenie ? mahal na mahal ko kayong lahat. Sana, maintindihan ninyo na ang lahat ng pagsisikap ko ay para sa ating kinabukasan.

Hanggang sa Muling Kumbinasyon. God Bless Us All.

* * *

This article is also available at Abante Online.

Send your comments to Manny Pacquiao at mannypacquiao@abante-tonite.com



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2022 philboxing.com.