|
Philippines, 20 Apr 2024 |
Home >> News >> Columns >> Manny Pacquiao |  |
|
||||
|
|
|
|
Masayang Paglalakbay sa Guam PhilBoxing.com Sun, 08 Feb 2009  GUAM ?- Magandang araw po sa inyong lahat. It is nice to be back in Guam, this time being part of GMA Network and a group of entertainers who are connecting with Filipinos in this US territory. Habang sinusulat ko ang kolum na ito ay naghahanda pa lang kami nila Robin Padilla, Regine Velasquez, Marian Rivera, Dingdong Dantes at Ogie Alcasid sa pagbibigay-saya sa ating mga kababayan dito sa Guam. Kasama ko rin po ang aking maybahay na si Jinkee sa trip na ito at lubhang masaya naman ang biyahe kasama ang aking mga kaibigan. Bukod sa pagbibigay-saya, kinuha ko na rin ang oportunidad na i-promote ang laban ko sa May 2 sa MGM Grand Arena sa Las Vegas kontra kay Ricky Hatton ng United Kingdom. Inaasahan naming maraming tao ang manonood ng aming palabas at alam ko, marami sa mga tiga-Guam ang sumusunod sa aking career at sa bawat laban na nagaganap sa buhay ko. Kasama ko rin sina Robin Padilla upang i-promote namin ang bago naming show sa GMA 7, pinamagatang "Totoy Bato." Medyo mas kinakabahan pa ako sa pagpe-perform sa isang concert kaysa sa pakikipaglaban sa ring. Pero, enjoy din ako sa pagbibigay ng kasiyahan sa ating mga kababayan na alam kong sabik na sabik na na makita ako at ang kanilang ibang mga kababayan na artista. Sa ibabaw ng ring, wala akong kaba, kahit na mas matatangkad ang aking mga kalaban at di-hamak na mas malaki sa akin. Siguro, ipinanganak talaga akong isang mandirigma kaya mas madali sa akin ang lumaban sa ring kaysa sa mag-perform ng live sa itaas ng stage. Hilig ko rin talaga ang pagkanta at sa pamamagitan nito, natatanggal ang stress sa katawan at gaya ng sabi nila, nae-exercise din ang baga ng isang tao, isang bagay na importante rin sa pagboboksing. Gaya na rin sa lahat ng aking training camp, panay-panay din ang aming pagkanta upang mabawasan ang lungkot ng pagkakalayo sa pamilya sa matagal na panahon. Top photo: Manny (R) with wife Jinkee. 
Manny (C) with GMA 7 entertainers. 
L-R: Ogie Alcasid, Regine Velasquez, Manny Pacquiao. 
L-R: Bren Evangelio, Manny Pacquiao, Marian Rivera and Dingdong Dantes. Masaya ako at napabilang ako sa mga entertainers na professional gaya ni Regine Velasquez, na ang boses ay pwedeng maipagmamalaki sa buong mundo. World-class talent talaga si Regine, na kasama rin si Ogie Alcasid, ang kaniyang mahal sa buhay. Bukod sa magagaling silang kumakanta, masaya rin silang kasama dahil sila ay mga totoong tao at kaibigan. Inaanyayahan ko rin pala kayong lahat na panoorin ang "Totoy Bato" na malapit nang ipalabas sa ating Kapuso Network. Hanggang sa Muling Kumbinasyon. God Bless Us All. * * * This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
