Philippines, 05 Dec 2022
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


MALAKING RESPONSIBILIDAD

PhilBoxing.com
Thu, 12 Jun 2008



LOS ANGELES, Ca. -- Kamusta po kayong lahat. Sana ay nasa mabuti kayong kalagayan saan man kayo naroroon sa mundo.

Ako po ay nasa mabuting kalagayan papunta na sa huling dalawang linggo ng training at kahit na paakyat na kami sa pinakamahirap na yugto ng training, tinitiis ko ang hirap at sakit dahil mahal ko po kayong lahat at hindi ko kayo bibiguin.

Sa inyo ako kumukuha ng inspirasyon, una riyan, ang aking pamilya. Kayo ang dahilan kung bakit ako gumigising ng maaga at tumutuloy kahit na pagod na ako o may dinaramdam sa katawan. Opo, totoong nagkasakit ako noong isang linggo pero hindi ko na ibinalita sa media dahil marami lang ang mag-aalala.

Nag-aapoy ang aking katawan at masikip at mahirap huminga kapag may sipon at ubo. Pero tuloy pa rin ang jogging, tuloy pa rin ang sparring, tuloy pa rin ang calisthenics, sit-ups at pagpapakundisyon. Dinamihan ko na lang ang pag-inom ng juice kaya siguro mabilis na naanod ang virus sa aking sistema.

Marahil ay nakuha ko ang virus nang nakisalamuha ako sa maraming tao upang i-promote ko ang aking laban. Noong isang linggo ay nasa San Francisco kami kasama si David Diaz, ang aking katunggali sa laban sa Hunyo 28 sa Mandalay Bay Resort Arena sa Las Vegas.

Sa ngayon ay maigi na po ako, nag-spar ng 10 rounds ulit kanina (Martes ng hapon) at unti-unting nagre-recover upang matamo ko ang pinakamagandang kundisyon sa pagsapit ng laban upang asamin ang World Boxing Council lightweight belt na hawak ni Diaz. Ako po ay umakyat ng timbang matapos kong talunin at maiuwi ang WBC super-featherweight title mula kay Juan Manuel Marquez ng Mexico.

Bukas ng umaga, (Miyerkules), kami naman ay papunta sa San Diego, California upang ipagpatuloy ang pagpo-promote ng laban. Dahil na rin sa aking estado bilang ambassador ng sport ng boxing, kailangan kong gawin ang nararapat upang maging mas maganda at bumalik ang nawawalang interes ng madla sa sport na ito.

Masaya ako na nakikita ko ang libo-libong mga fans na bumabati sa akin at naghihintay upang makakuha ng picture o humingi ng autograph. Diyan po nabubuhay ang sport na siya ring nagbibigay sa akin ng tsansa upang maging tanyag at hinahangaan ng marami. Kaya naman po ako rin ay nagbago na sa aking pamumuhay at ginagawa ko na lang ang tama.

Hindi na ako pumupunta sa casino o sabungan at sa halip ay naibigan ko na ang paglalaro ng darts, chess at pagtugtog ng keyboard. Nagpaparaos din kami ng oras sa pagkanta sa karaoke machine at napakasaya ng training camp so far.

I will do anything to win this fight for all of my fans and I will give all the fans of boxing their money's worth, with all your prayers adding strength to my quest for a fourth world title.

Hanggang sa muling Kumbinasyon. God bless us all.

* * *

This article is also available at Abante Online.

Send your comments to Manny Pacquiao at mannypacquiao@abante-tonite.com



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2022 philboxing.com.