Philippines, 20 Oct 2020
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        




 
 
Columns


 

"Kumbinasyon"

By Manny Pacquiao


Tuloy Ang Ensayo Kahit May Ubo

PhilBoxing.com
Sun, 03 Feb 2008

LOS ANGELES -- Magandang araw po sa inyong lahat!

Pagkatapos po ng pangalawang linggo ng paghahanda natin sa fight sa March 15 laban kay Juan Manuel Marquez, ako po ay tinamaan ng virus. Medyo inuubo ako pero tuloy pa rin ang ensayo umulan man o umaraw, ubod man ng lamig sa umaga.

Kahit na may ubo ako, pinipilit ko pa ring sumabak sa ensayo dahil mahalaga para sa akin na maipanalo itong laban na ito. Karangalan ng bansa at ng aking pamilya ang nakataya dito at gusto ko talagang wakasan na ang tablang decision na namagitan sa laban namin ni Marquez noong 2004.

Salamat sa aking butihing asawa na si Jinkee at nandito siya sa aking tabi palagi. Siya ang umaalalay at nag-aalaga sa akin sa umaga at gabi. Sa kanya ko nakukuha ang lakas na sumabak sa mga susunod pang araw ng training.

Salamat din kay Dr. Allan Recto sa pagbibigay niya sa akin ng kanyang ginintuang oras. Si Doc Allan, isa sa aking mabubuting kaibigan at fans sa matagal nang panahon, ay lumipad pa mula sa Laredo, Texas para ako ay bigyan ng lunas at mga gamot. Lahat din ng mga kasambahay ko ay binigyan ng flu shots.

Masaya ako dahil maraming tao ang nagmamalasakit sa akin. Isang tawag lang kay Doc Allan Recto, lumipad kaagad siya dito sa Los Angeles at iniwan ang kanyang clinic sa Texas, para tingnan ang kalagayan ko at ang sabi n?ya dala lang daw ng masamang panahon kaya ako inubo.

Kahapon, inumpisahan na namin ang apat na rounds ng sparring at maganda naman ang resulta. Mahaba pa ang laban, mga anim na linggo pa at maayos na ang training camp namin ni Coach Freddie Roach.

Itinuturing kong blessing itong pagdapo ng ubo. Minsan, nagkakasakit tayo kahit na hindi natin gusto. Minsan, kailangan natin marinig ang tinig ng Diyos na nagsasalita sa ating buhay. Minsan, binibigyan tayo ng mensahe na kailangan ding magpahinga o pangalagaan ang ating sarili. Importante na bigyan din ng sapat na oras ang ating katawan dahil hindi naman tayo mga makina. Kahit nga makina ay kailangan ding magpahinga.

Opo, si Manny Pacquiao ay tao lamang at dinadapuan din ng sakit at ubo pero mahalaga sa atin na huwag mawawalan ng pag-asa kapag dinapuan ng anumang karamdaman. Mahal tayo ng Diyos. Palagi siyang nasa ating tabi at tayo lamang ang nakakalimot sa Kanya. Marami ang nalulungkot at nawawalan ng pag-asa kapag dinapuan ng matinding karamdaman.

Isa lamang ang aking masasabi sa mga may karamdaman ngayon. Walang imposible kapag kayo ay tumawag sa pangalan ng mahal na Panginoon?

Ok po hanggang sa muling kumbinasyon. Manny Pacquiao, proud to be Pinoy.


This article is also available at Abante Online.

Send your comments to Manny Pacquiao at mannypacquiao@abante-tonite.com



Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2020 philboxing.com.