Philippines, 29 Mar 2024
  Home >> News >> Columns >> Manny Pacquiao

 


BOXERS

CURRENT CHAMPIONS 

FORMER CHAMPIONS   

RATINGS                       

NEWS           

FORUM        

FIGHT GALLERIES        

RING CARD GIRLS        


 
 
Columns


 

"Kumbinasyon"

By Manny Pacquiao


Madaling Pumasok, Mahirap Lumabas

PhilBoxing.com
Wed, 12 Sep 2007

Kamakailan lang ay may pumuna na naman sa kolum ko, hindi daw ako ang nagsusulat nito. Kung napanood n’yo sana sa ABS-CBN, nang maabutan ako ng reporter nila habang nagsusulat, inilabas iyon sa balita. Hindi pa ba sapat ‘yun?

Anyway, maniwala man sila o hindi, basta sa bawat kolum na isinusulat ko ay alam kong nakapagbigay ako ng inspirasyon at aral sa aking kapwa.

By the way, sa laban namin ni Marco Antonio Barerra ngayong October 6, ay may tatlo pang boksingerong lalaban, na pwede rin nating ipagmalaki at nakikita natin na makapagbigay ng karangalan sa ating bansa, sila Michael Parenas, Glenn Gonzales at Jundy Maraon. Paki-abangan n'yo ang tatlong ‘yan dahil nakikita ko na malaki at malayo pa ang mararating ng mga boksingerong ito.

Malaki talaga ang maidulot sa mga atleta kung ang nag-aalaga sa kanila ay todo-suporta. Katulad nang aking ginagawa at hinahangaan ko ang ating mga atleta, dahil ipinapakita nila na ang mga Pinoy ay matitibay at matatapang sa larangan ng
sports. Kaya lagi tayong taas-noo kahit saan mang lupalop ng mundo tayo magpunta ay proud tayo.

***

Ang hindi naman magandang balita ay kapag ang ibang atleta ay gumagawa ng hindi magaganda. Tulad na lang ng isang boksingerong nakapatay at pinaghahanap ngayon ng batas na si Rustico Torrecampo. Hindi ito magandang halimbawa sa ating lahat.

Mayroon din dati, si Renato Mendones, na nangholdap naman at nakipagbarilan sa mga pulis at namatay.

Pareho kong nakalaban si Torrecampo at Mendones. Si Torrecampo ang siya pa ngang unang tumalo sa akin sa boksing.

Dapat ay sumuko na siya at pagbayaran ang kanyang kasalanan para hindi na lumaki pa. Pagsisihan niya ang kanyang ginawa.

Madali lang pumasok sa gulo, pero mahirap lumabas. Kaya dapat hangga’t kayang umiwas ay iwasan natin ang gulo. At huwag kalimutan magdasal sa Mahal na Panginoon.

Hanggang sa muli.


This article is also available at Abante Online.




Click here for a complete listing of columns by this author.

Click here for a complete listing of this author's articles from different news sources.

 



 
PhilBoxing.com has been created to support every aspiring
Filipino boxer and the Philippine boxing scene in general.
Please send comments to feedback@philboxing.com


PRIVATE POLICY | LEGAL DISCLAIMER
developed and maintained by dong secuya
© 2024 philboxing.com.