|
Philippines, 23 Nov 2024 |
Home >> News >> Columns >> Manny Pacquiao |  |
|
||||
|
|
|
|
Gerry Pe?alosa, Kampeon ng Bawat Pinoy PhilBoxing.com Thu, 03 Apr 2008  Magandang araw po sa inyong lahat. Sana ay nasa mabuti kayong kalagayan sa pagpasok ng buwan ng Abril. Unti-unti na pong naghihilom ang sugat sa aking mata na natanggap ko noong huling laban ko at sa huling linggo ng buwan na ito, marahil ay magsisimula na akong mag-insayo ulit para sa sagupaan sa Hunyo 28. Habang naghihintay ako para sa susunod na laban at ang negosasyon ng kontrata ay kasalukuyang tinatapos ng aking team, ako naman ay nagre-relax at umaattend ng mga meeting. Binalikan ko rin ang aking mga libro sa kolehiyo dahil importante sa akin na makatapos sa lalong madaling panahon habang binibigyan ko rin ng quality time ang aking pamilya. Sa April 6, manonood ako sa Araneta Coliseum upang personal na suportahan ang aking mga kasamang Pinoy na boksingero lalung-lalo na sa kaibigan ko at kumpareng si Gerry Pe?alosa. Hindi alam ni Gerry pero isa siya sa mga tinitingala kong champion ng mundo, dahil isang magandang halimbawa siya sa lahat. Matagal na kaming magkakilala at magkaibigan at minsan ay nag-spar pa kami upang maghanda sa kani-kaniya naming laban. Gerry is 35 years old and a 19-year professional. Last year, he won the WBO bantamweight crown from Jhonny Gonzalez. Gusto ko sanang manood sa laban niya pero sinamang-palad na hindi ako nakadalo. Ngayon, ipinapangako kong susuportahan ko siya at manonood ako sa ringside. Gerry is a two-time champion, having won the WBC super-flyweight champion in 1997. That's 11 years ago! Bilib ako kay Gerry dahil kahit na sa edad niya, isa pa rin siya sa pinakamagaling na boxer sa buong mundo. Kahit si coach Freddie (Roach) malaki ang respeto at tiwala niya kay Gerry. In my heart, he could have been three-division champion. I believe he beat Daniel Ponce De Leon last year but the judges saw a different fight. Hindi naman natin alam ang tadhana at kapalaran ng bawat isa sa atin pero gayunpaman, masaya pa rin ako at naging kampeon ulit si Pareng Gerry. Sa record niya na 52 wins (KO 35) at anim na talo at dalawang tabla, at 60 na laban sa kabuuan, isa siya sa pinakamatibay na mandirigmang Pilipino na dapat mabigyan ng malaking suporta ng lahat ng Pinoy sa buong mundo. Tinalo ni Gerry ang dating kampeon na si Gonzales dahil sa kaniyang pagpupursigi kahit na ilang beses siyang nabigo sa paghahabol ng isa pang korona. Sabi ko sa kanya, naniniwala ako na magiging kampeon ulit siya dahil sa kaniyang malaking puso at talino sa ring. Hindi niya ako binigo. Kahit na tinalo ni Pe?alosa si Vorapin noong 2000, nakabalik ang challenger galing Thailand upang mapanalunan ang WBO bantamweight title mula kay Cruz Carbajal noong 2004 at tinalo rin siya ni Gonzalez noong 2005. Idolo ko si Gerry dahil isa siyang professional. Naging kampeon si Gerry dahil hindi niya pinabayaan ang kaniyang kundisyon at inalagaan niya ang kaniyang katawan kahit na ilang beses siya nabigo sa paghahabol ng isa pang korona. Wala siyang bisyo at masipag siya sa pag-train. Gerry, alam ko na magwawagi ka sa April 6! God bless. Hanggang sa muling Kumbinasyon. This article is also available at Abante Online. Send your comments to Manny Pacquiao at mannypacquiao@abante-tonite.com Click here for a complete listing of columns by this author. Click here for a complete listing of this author's articles from different news sources. |
|
|
PhilBoxing.com has been created to support every aspiring Filipino boxer and the Philippine boxing scene in general. Please send comments to feedback@philboxing.com |
PRIVATE POLICY | LEGAL DISCLAIMER
developed and maintained by dong secuya © 2024 philboxing.com. |
